عمران خان نے صحافی ارشد شریف کے قتل کی انکوائری کیلئے چیف جسٹس کو خط لکھ دیا
چیف جسٹس کو لکھے گئے خط میں چیئرمین تحریک انصاف نے قتل کیس کی انکوائری کے لیے آزاد جوڈیشل کمیشن تشکیل دینے کا مطالبہ کیا ہے۔
سابق وزیراعظم اور پاکستان تحریک انصاف (پی ٹی آئی) کے چیئرمین عمران خان نے چیف جسٹس آف پاکستان جسٹس عمر عطا بندیال کو ایک اور خط لکھ کر صحافی ارشد شریف کے قتل کی جوڈیشل انکوائری کا مطالبہ کیا ہے۔
تفصیلات کے مطابق ہفتے کے روز سابق وزیراعظم عمران خن نے چیف جسٹس عمر عطا بندیال کو خط لکھ کر ارشد شریف کے قتل کی جوڈیشل انکوائری کا مطالبہ کیا ہے۔
یہ بھی پڑھیے
نوشہرہ: دہشتگردوں کی فائرنگ سے شہید ہونے والے پولیس اہلکاروں کی نماز جنازہ ادا
دشمن کی کسی بھی جارحیت کا بھرپور جواب دیا جائے گا، آرمی چیف جنرل عاصم منیر
خط میں عمران خان نے چیف جسٹس سے سینئر صحافی کے قتل کی تحقیقات کے لیے ’آزاد‘ جوڈیشل کمیشن بنانے کا مطالبہ کیا۔
A letter from Imran Khan to Honourable Chief Justice of Pakistan! pic.twitter.com/bD2xoWuGFo
— PTI (@PTIofficial) December 3, 2022
اس سے قبل مقتول صحافی ارشد شریف کی بیٹی علیزہ ارشد نے سپریم کورٹ کے ججز کو خط لکھ کر اپنے والد کے قتل کیس کی تحقیقات کے لیے جوڈیشل کمیشن کی تشکیل کا مطالبہ کیا تھا۔
علیزہ ارشد نے اپنے خط میں کہا کہ وہ 36 روز قبل کینیا میں شہید ہونے والے اپنے والد کے لیے انصاف کی خواہاں ہیں۔ ایک تفتیشی صحافی کے طور پر، اس کے والد نے اشرافیہ کی کرپشن کو بے نقاب کیا اور ثبوت پیش کیے۔
علیزہ ارشد نے خط میں مزید لکھا تھا کہ "وہ معزز جج صاحبان سے اپیل کرتی ہے کہ وہ ہم متاثرین کو انصاف فراہم کریں۔
انہوں نے سپریم کورٹ کے ججوں سے درخواست کی تھی کہ وہ عدالتی کمیشن تشکیل دیں اور کیس کی سماعت کھلی عدالت میں کریں۔
