کرسچن ٹرنر آئندہ ماہ برطانوی ہائی کمشنر کےعہدے سے سبکدوش ہوجائیں گے

پاکستانی ثقافت اور زبان کے رنگ میں رنگ جانے والے برطانوی ہائی کمشنر کرسچن ٹرنر نے اعلان کیا ہےکہ وہ آئندہ ماہ اپنی ذمے داریوں سے سبکدوش ہوجائیں گے۔

کرسچن ٹرنردسمبر2019 سے پاکستان میں برطانوی ہائی کمشنر کے طور پر اپنی ذمے داریاں انجام دے رہے تھے۔

یہ بھی پڑھیے

ٹی 20 ورلڈکپ کے فائنل سے متعلق برطانوی ہائی کمشنر کی ایک پیشگوئی درست ثابت

کرسچن ٹرنر نےگزشتہ روز  اپنے ٹوئٹر ہینڈل پر برطانوی حکومت کی ویب سائٹ پر شائع ہونے والے خبر شیئر کرتے ہوئے مداحوں کو اپنی سبکدوشی سے آگاہ کیا ہے۔

It has been announced today that I will leave Pakistan in January to take up position as DG Geopolitical, the “Political Director” in @FCDOGovUK

Pakistan, I will miss you. https://t.co/qHi36i17W8

— Christian Turner (@CTurnerFCDO) December 5, 2022

انہوں نے اپنے ٹوئٹ میں لکھا کہ آج یہ اعلان کیا گیا ہے کہ میں جنوری میں  برطانوی محکمہ خارجہ میں  ڈی جی جیو پولیٹیکل(پولیٹیکل ڈائریکٹر) کاعہدہ سنبھالنے کیلیے  پاکستان چھوڑ دوں گا۔

کرسچن ٹرنرنے پاکستان میں تعیناتی کےعرصے کو اپنی پیشہ ورانہ اور ذاتی زندگی کیلیے مفید ترین قرار دیا ہے۔ انہوں نے کہاکہ پچھلے تین سال پیشہ ورانہ اور ذاتی طور پر میری زندگی کے سب سے زیادہ فائدہ مند رہے ہیں۔ میں لندن میں اپنے نئے کردار میں پاکستان کے مستقبل کو قریب سے دیکھوں گا۔

واضح رہے کہ کرسچن ٹرنر پاکستان میں اپنی تعیناتی کے دوران  مقامی ثقات کے رنگ میں رنگے نظر آئے اور اس دوران انہوں نے اردو بولنا بھی سیکھ لی تھی۔

Raja G, Pindi Julsanh tae match taksanah! @ECB_cricket @TheRealPCB #EkSaath4Cricket #EkSaath75 #EngvsPak pic.twitter.com/3freITsSnh

— Christian Turner (@CTurnerFCDO) December 1, 2022

گزشتہ ہفتے پاک انگلینڈ ٹیسٹ سیریز کے آغاز میں انہوں نے شائقین کرکٹ کیلیے اردو زبان میں پیغام جاری کیا تھااور روایتی پاکستانی رکشے میں سفر کرکے قذافی اسٹیڈیم پہنچے تھے۔