بانی اور مفکر پاکستان کے بعد پہلی خاتون وزیراعظم بھی آرٹ گردی کا شکار ہوگئیں
سابق وزیراعظم پاکستان بے نظیر بھٹو کا مجسمہ کوئٹہ میں نصب کیا گیا تو عوام نے اسے نہ صرف آرٹ بلکہ بے نظیر کی بھی توہین قرار دیا اور کڑی تنقید کا نشانہ بنایا، صارفین نے کہا کہ جیسی پیپلزپارٹی حکومت کی کارگردگی ہے ایسا ہی مجسمہ اپنی قائد کا بنایا گیا ہے، بے نظیر سے قبل بانی پاکستان اور مفکر پاکستان کے مجسموں کو بدترین شکلوں میں ڈھال کر دونوں رہنماؤں کی بے حرمتی کی گئی تھی
پاکستان پیپلزپارٹی کی مقتول سربراہ سابق وزیراعظم پاکستان بے نظیر بھٹو کا مجسمہ کوئٹہ میں نصب کیا گیا تو عوام نے اسے نہ صرف آرٹ بلکہ بے نظیر کی بھی توہین قرار دیا اور کڑی تنقید کا نشانہ بنایا ۔
بلوچستان کے داراحکومت کوئٹہ میں پیپلزپارٹی کی شہید چیئرمین بے نظر بھٹو کا کوئٹہ میں نصب کیا جانے والا مجسمہ کڑی تنقید کی زد میں آگیا۔عوام نے مجسمے کی بناوٹ کو نہ صرف آرٹ بلکہ سابق وزیراعظم کی توہین بھی قرار دیا ۔
یہ بھی پڑھیے
اقبال پارک میں نصب شاعر مشرق کے مجسمے کی حقیقت
کوئٹہ میں بے نظیربھٹو کے بدترین بناوٹ والے مجسمے کو نصب کرنے سے پہلے پاکستانی آرٹسوں نے بانی پاکستان قائد اعظم محمد علی جناح اور مفکر پاکستان علامہ محمد اقبال کے مجسموں کی بھی خوب دل کھول کر درگت بنائی تھی ۔
فلم ساز و ہدایت کارعلی سجاد شاہ نے اپنے ٹوئٹر پیغام میں طنزیہ لہجے میں کہا کہ یہ تینوں مجسمے تجریدی آرٹ کا شاہکار ہیں۔ انہوں نے کہا کہ بے نظیر بھٹو کا مجسمہ سندھ میں پیپلزپارٹی کی گڈ گورننس کی تصویر پیش کررہا ہے۔
یہ مجسمے تجریدی آرٹ کا شاہکار ہیں۔
1۔ بے نظیر بھٹو کا مجسمہ سندھ میں پیپل پالٹی کی گڈ گورننس کی تصویر پیش کررہا ہے۔
2۔ علامہ اقبال کا مجسمہ مطالعہ پاکستان میں ان کی درگت بنتی کی تفسیر
3۔ محمد علی جناح کا مجسمہ ان کے نام کو عشروں سے بیچتی خون آشام اشرافیہ کی تمثیل pic.twitter.com/sF0BJBdwmt
— Abu Aleeha (@abualeeha) December 12, 2022
علی سجاد شاہ نے بانی پاکستان قائد اعظم محمد علی جناح کا مجسمہ ان کے نام کو عشروں سے بیچتی خون آشام اشرافیہ کی تمثیل قرار دیا جبکہ علامہ اقبال کا مجسمہ مطالعہ پاکستان میں ان کی درگت بنتی کی تفسیر کہہ ڈالا ۔
صحافی وینگاس نے مجسمے کی تصویر کو شیئرکرتے ہوئے لکھا کہ ’پاکستان پیپلز پارٹی (پی پی پی) شہید محترمہ بے نظیر بھٹو کے نام پر حکمرانی کرتی ہے اور انہیں خیال ہی نہیں کہ یہ کیا چیز نصب کی گئی ہے۔
Disgusting statue of Shaheed Mohtrama Benazir Bhutto placed in Quetta by PPP.
PPP rules in the name of SMBB, and they have not realized what they had installed.This statue must be removed. Stop insulting SMBB.
Picture shared on WhatsApp pic.twitter.com/NCSfHkKTB3
— Veengas (@VeengasJ) December 5, 2022
پاکستان پیپلزپارٹی بلوچستان کے مقامی رہنما حیات خان اچکزئی نے اپنی ٹوئٹ سے ذریعے اطلاع دی کہ ایڈمنسٹریٹرکوئٹہ جبار بلوچ سے رابطہ کرکے فوری طور پر شہید بی بی کے توہین آمیز مجسمے کو ہٹانے کی ہدایت دی ہیں۔
Contacted with Administrator Quetta Jabbar Baloch to replace the insulting statue of Shaheed Bibi installed in Shaheed Benazir Park, He assured to replace the statue.
This park is managed by the Cantonment Board Quetta , In this regard the CEO of CBQ will also be contacted.
1/2— Hayat Khan Achakzai (@HayatKhanHKA) December 5, 2022
حیات خان اچکزئی نے کہا کہ ایڈمنسٹریٹرکوئٹہ جبار بلوچ نے 2 مرتبہ وزیر اعظم پاکستان کے عہدے پر فائز رہنے والی شہید بے نظیر بھٹو کے توہین آمیز مجسمے کو تبدیل کرنے کی یقین دہانی کروائی ہے ۔
سماجی کارکن فاطمہ عاطف نے کہا کہ کوئٹہ کے پارک میں نصب کیے جانے والے بدترین آرٹ کے مجسمہ نہ صرف بے نظیر بھٹو بلکہ ملک کی تمام تر خواتین کی توہین و بے حرمتی ہے ۔
Very offensive statue of Respected Benazir Bhutto at Benazir Bhutto Park Quetta is disrespect to all the women of Pakistan. She deserves honor and tribute. Balochistan govt must investigate why and how this happened? And make the relevant department accountable for such mess. pic.twitter.com/hk7rcuEJCG
— Fatima Atif (@FatimaHazara75) December 4, 2022
فاطمہ عاطف نے کہا کہ بے نظیر بھٹو عزت و خراج تحسین کی مستحق ہیں۔ انہوں نے بے نظیر بھٹو سے منسوب مجسمے کی تحقیقات کا مطالبہ کیا ۔ انہوں نے کہا کہ متعلقہ محکمے کو اس طرح کی گندگی کا جوابدہ بنائیں۔
پیپلزپارٹی کی مقتول چیئرمین سابق وزیراعظم بے نظیر بھٹو سے قبل بانی پاکستان قائد اعظم محمد علی جناح اور مفکر پاکستان ڈاکٹر علامہ محمد اقبال کے بد ترین انداز میں بنائے گئے مجسمے تنقید کی زد میں رہے ۔
بے نظیر بھٹو کے کوئٹہ میں مجسمے کی تنصیب سے قبل لاہور کے بحریہ ٹاؤن میں بھی بانی پاکستان محمد علی جناح کا مجسمہ نصب کیا گیا تو ایسا لگا کہ یہ بابائے قوم نہیں بلکہ ڈریکولہ فلم کا خون آشام ولن ہے ۔
بحریہ ٹاؤن لاہورنصب قائداعظم کے مجسمے کی تصویر سوشل میڈیا پر وائرل ہوتے ہی صارفین نے سخت ناراضگی کا اظہار کیا۔ سوشل میڈیا صارفین نے کہا آرٹسٹ نے مجسمہ میں گربڑ کردی ہے ۔
قائداعظم کے مجسمے پر صارفین و عوام نے سخت ناراضگی کا اظہار کرتے ہوئے کہا کہ آرٹسٹ نے قائد کو بری شکل میں ڈھال کر ویمپائر بنا ڈالا ہے۔ حکام جلد از جلد اس مجسمے کو ہٹائیں ۔
گزشتہ سال مفکر پاکستان ڈاکٹر محمد اقبال کا مجسمہ لاہور کے اقبال پار میں نصب کیا گیا تو وہ بھی اپنی بناوٹ کی وجہ سے مسلسل تنقید کا نشانہ بنتا رہا اور انتظامیہ نے بعد میں اسے پارک سے ہٹا دیا تھا ۔
لاہور کے گلشن اقبال پارک میں نصب کیے جانے والا شاعرِ مشرق علامہ اقبال کا مجسمہ سوشل میڈیا پر مذاق کا نشانہ بنتا رہا تاہم بعد میں انتظامیہ کا کہنا تھا کہ یہ حکومت نے نہیں بلکہ مالیوں نے ازخود بنایا ہے ۔
