جیو نیوز نے وی لاگر فرحان عباسی کی قیمتی وڈیوز چوری کرلیں

معروف وی لاگر فرحان عباسی نے جیو نیوز پر محنت سے بنائی گئی اپنی قیمتی وڈیوز چوری کرنے کا الزام عائد کردیا۔

فرحان عباسی کہتے ہیں اگر وڈیو اٹھانی ہے تو کم ازکم کریڈٹ ضرور دے دیں۔

یہ بھی پڑھیے

توشہ خانہ تحائف پر جیو نیوز نیٹ ورک کا پروگرام ، عمران خان برطانوی عدالت پہنچ گئے

فرحان عباسی نے اپنے ٹوئٹر ہینڈل پر جاری کردہ وڈیو میں بتایا کہ  معاملہ کچھ ایسا ہے کہ آپ کی کوئی چیز چوری ہوتی ہے تو بہت دکھ ہوتا ہے لیکن چوری کرنے والا اگر جیو نیوز ہوتو اس سے بھی بڑا دکھ ہوتا ہے۔

ہماری یہ وڈیوز ایسے نہیں بن جاتیں ایک ٹور میں ہزاروں میں اور بعض اوقات لاکھوں میں خرچ ہو جاتے ہیں اور پھر 3 سے 10 دن تک پیدل الگ سے چلنا اور ویڈیو جیو نیوز جیسے بغیر اجازت اٹھا لیا کریں غلط بات ہے #nangaparbat #farhanabbasi #Farhan #shogran pic.twitter.com/6GVnZ6pp5b

— Farhan Abbasi (@FarhanExplores) December 17, 2022

وی لاگر نے بتایا کہ آج ایک دوست ایک وڈیو بھیجی ہے جس میں جیو نیوز نے ہماری ایک وڈیو استعمال کی ہوئی ہے، دکھارہے ہیں اسکردو کا منفی 3 درجہ حرارت اور وڈیو مکڑا پیر کی لگائی ہوئی ہے،انہیں یہ بھی نہیں پتہ کہ وڈیو کہاں کی ہے، کوئی کریڈٹ تک نہیں دیا۔

انہوں نے کہاکہ بہرحال اگر کسی کی وڈیو اس طرح اٹھانی ہے تو کم ازکم کریڈٹ ضرور دیدیا کرو۔فرحان عباسی نے وڈیو کے کیپشن میں لکھا کہ ہماری یہ وڈیوز ایسے نہیں بن جاتیں، ایک دورے پر  ہزاروں  اور بعض اوقات لاکھوں روپے خرچ ہو جاتے ہیں اور پھر 3 سے 10 دن تک پیدل الگ سے چلناپڑتا ہے اور جیو نیوز جیسے چینل  کا  بغیر اجازت ویڈیو اٹھا  لینا  غلط بات ہے۔