حکومت نے سال 2023 میں 38 عام تعطیلات کا نوٹیفکیشن جاری کردیا

کابینہ ڈویژن نے آئندہ سال کی عام تعطیلات اور اختیاری چھٹیوں کی تفصیلات جاری کردیں۔ کابینہ ڈویژن کے اعلامیہ میں بتایا گیا ہے کہ اگلے سال 2023 میں 38 عام تعطیلات دی جائیں گی ۔

کابینہ ڈویژن کی جانب سے جاری اعلامیے میں کہا گیا ہے کہ سال 2023 میں 38 عام تعطیلات ہوںگی جس میں 16 عام تعطیلات اور 22 اختیاری چھٹیاں ہوں گی۔

یہ بھی پڑھیے

کابینہ ڈویژن سے1947 سے اب تک ملنے والے تمام  تحائف کا ریکارڈ طلب   

کابینہ ڈویژن کے نوٹیفکیشن کے مطابق 5 فروری 2023 کو یوم کشمیر کی عام تعطیل ہوگی۔ 23 مارچ 2023 کو یوم پاکستان کی عام تعطیل ہوگی جبکہ  یکم مئی کو یوم مزدور کی عام تعطیل ہوگی۔

اعلامیہ میں کہا گیا ہے کہ 22 سے 24 اپریل 2023 عیدالفطر کی 3 چھٹیاں ہوں گی جبکہ 29 اور 30 جون اور یکم جولائی 2023 کو عیدالاضحیٰ کی 3 چھٹیاں ہوں گی۔

27 اور28 جولائی 2023 کو عاشورہ محرم  اور 14 اگست 2023 کو یوم آزادی کی عام تعطیل ہو گی۔28 ستمبر2023 کو عیدمیلاد النبی ﷺ کی عام تعطیل ہو گی۔9 نومبر 2023 کو یوم اقبال کی چھٹی ہو گی

25 دسمبر2023 کو یوم قائداعظم اور کرسمس کی عام تعطیل ہو گی۔26 دسمبر 2023 کو مسیحی ملازمین کے لیے کرسمس کے بعد کی عام تعطیل ہو گی۔

کابینہ ڈویژن کی جانب سے جاری اعلامیے میں کہا گیا ہے کہ سال 2023 کے لیے اسلامی چھٹیاں متوقع تاریخ کے حساب سے طے کی گئی ہیں، چاند کی رویت کے حساب سے چھٹیوں کا الگ نوٹیفکیشن جاری کیا جائے گا۔

اعلامیے کے مطابق سال 2023 میں 16 عام تعطیلات میں سے 2 اتوار کے روز ہوں گی۔ 2 جنوری، 22 مارچ اور 3 جولائی کو بینکوں کی چھٹی ہو گی۔

 مسلم حکومتی ملازمین کو سال میں ایک سے زیادہ آپشنل چھٹی نہیں ملے گی جبکہ غیر مسلم حکومتی ملازمین کو سال میں 3 سے زائد آپشنل چھٹیاں نہیں ملیں گی۔