ایک عہد تمام ہوا، بی بی سی اردو نے تاریخی ریڈیو سروس بند کردی

پاکستان میں ذرائع ابلاغ کی تاریخ کا ایک عہد تمام ہوا۔بی بی سی اردو نے پاکستانی عوام کیلیے ایک عرصے تک خبروں کے حصول کا اہم ترین ذریعہ رہنے والی اپنی ریڈیو سروس بند کردی۔

بی بی سی اردو ریڈیوایف ایم کا آخری بلیٹن گزشتہ سال 31 دسمبر کی شام 7 بجے نشر کیا گیا۔

یہ بھی پڑھیے

بی بی سی نے بورس جانس کا مذاق اڑانے پر خاتون میزبان کو آف ایئر کردیا

بی بی سی کا 10زبانوں میں سروسز ختم کرنے کا اعلان

بی بی سی اردو پاکستان کے ایڈیٹر آصف فاروقی  نے اپنے ٹوئٹ کے ذریعے  ریڈیو سروس کے سامعین  کو اس افسوسناک خبر سے آگاہ کیا۔

We presented last ⁦@BBCUrdu⁩ radio bulletin at 7:00PM tonight.
It’s end of an era 😞 pic.twitter.com/LBaJmqGKzh

— Asif Farooqi (@Asif_Farooqi) December 31, 2022

آصف فاروقی نے لکھاکہ آج شب 7 بجے ہم نے اردو ریڈیو سروس کا آخری بلیٹن نشر کردیا۔آصف فاروقی نے اردو ریڈیو سروس کی بندش کو ایک عہد کا اختتام قرار دیا۔

ٹوئٹر صارفین نے بھی ریڈیو سروس کی بندش پر دکھ اور افسوس کا اظہار کیا۔ایک صارف نے اپنی سنہری یادوں کو کھنگالتے ہوئے لکھاکہ” وہ بڑا سا کچا کمرہ، سردیوں کا موسم، آگ کا الاؤ، سارے گھر والے 8 بجنے کے اتنظار میں کہ بی بی سی پر ابھی خبریں شروع ہوں گی، سدو بھائی کا حلوہ اور رضاعلی عابدی کی زبان کی چاشنی“۔