اعظم سواتی 5 روزہ جسمانی ریمانڈ پر کوئٹہ پولیس کے حوالے
سینیٹر اعظم سواتی کو ایک نجی طیارے کے ذریعے کوئٹہ منتقل کیا گیا تھا ، جس کے بعد انہیں صوبائی دارالحکومت کے بالکل باہر کچلاک جیل میں رکھا گیا تھا۔
پاکستان تحریک انصاف (پی ٹی آئی) کے سینئر رہنما اور سینیٹر اعظم سواتی کو 5 روزہ جسمانی ریمانڈ پر کوئٹہ پولیس کی تحویل میں دے دیا گیا۔ بلوچستان پولیس نے 2 دسمبر کو سینیٹر اعظم سواتی کو پمز اسلام آباد سے اپنی تحویل میں لیا تھا جہاں انہیں سینے میں تکلیف کے بعد داخل کیا گیا تھا۔
واضح رہے کہ ایک روز ایف آئی اے نے اسلام آباد کی مقامی عدالت سے مزید تفتیش کے لیے اعظم سواتی کو جوڈیشل ریمانڈ حاصل کیا تھا۔
میڈیا رپورٹس کے مطابق سینیٹر اعظم سواتی کو ایک نجی طیارے کے ذریعے کوئٹہ منتقل کیا گیا تھا ، جس کے بعد انہیں صوبائی دارالحکومت کے بالکل باہر کچلاک جیل میں رکھا گیا تھا۔
یہ بھی پڑھیے
پرویز الہیٰ کا عمران خان کے اشارے پرپنجاب اسمبلی تحلیل کرنے کا عزم کا اعادہ
ایم کیو ایم اور پیپلزپارٹی بلدیاتی انتخابات سے قبل سیاسی تصفیے پر پہنچ گئیں
حکومت کے اس اقدام پر تحریک انصاف کے رہنماؤں اور سول سوسائٹی کے اراکین کی جانب سے شدید احتجاج کیا گیا تھا۔
سابق ڈپٹی اسپیکر قاسم خان سوری ڈسٹرکٹ کوٹ کوئٹہ میں اعظم سواتی کے ساتھ کورٹ میں پیش ہوتے ہوئے#ReleaseAzamSwati pic.twitter.com/7Clr9BaZ2Y
— PTI UK (@UKPTIOfficial) December 4, 2022
74 سالہ اعظم سواتی کو آج صبح کوئٹہ میں ڈیوٹی مجسٹریٹ عبدالستار بگٹی کے سامنے پیش کیا گیا جہاں پولیس نے مبینہ متنازع تقاریر اور ٹویٹس سے متعلق کیس میں ان کے 10 روزہ جسمانی ریمانڈ کا مطالبہ کیا۔
سینیٹر اعظم سواتی کے وکیل اقبال شاہ ایڈووکیٹ نے میڈیا کو بتایا کہ مجسٹریٹ نے 5 روزہ جسمانی ریمانڈ کی منظوری دی ہے۔
ایڈووکیٹ اقبال شاہ کا کہنا تھا کہ کسی ایک واقعے کے خلاف ایک سے زیادہ ایف آئی آر درج کرنا غیر قانونی ہے اور ہم اس اقدام کو سپریم کورٹ آف پاکستان میں چیلنج کریں گے۔
انہوں نے بتایا کہ کیس کی سماعت کے دوران میڈؑیا کو بھی کوریج کی اجازت نہیں دی گئی تھی ، اس طرح کی پابندیاں بھی غیر قانونی ہیں۔
آج کی عدالتی کارروائی کے بعد میڈیا سے بات کرتے ہوئے سابق اسپیکر قومی اسمبلی قاسم سوری نے کہا کہ اعظم خان سواتی کے خلاف مختلف ایف آئی آرز کا اندراج غیر آئینی اور شہری حقوق کی سنگین خلاف ورزی ہے۔
“Registration of various FIRs against @AzamKhanSwatiPk is unconstitutional & a serious violation of civil rights. Govt is treating Azam Swati like terrorists while trampling under the law and elements involved in economic terrorism have been given free rein” said @QasimKhanSuri pic.twitter.com/oC4EdKshCx
— Ghani Kakar (@Ghanikakar) December 4, 2022
قاسم سوری کا کہنا تھا کہ حکومت اعظم سواتی کے ساتھ دہشت گردوں جیسا سلوک کر رہی ہے جبکہ قانون کو روندھنے والے اور معاشی دہشتگردی کے ملوث عناصر کو ہر طرح کھلی چھوٹ دی گئی ہے۔
