چیئرمین این ڈی ایم اے کی وزیر اعظم کو ترکیہ و شام زلزلے کی امدادی کارروائیوں پر بریفنگ

چیئرمین نیشنل ڈیزاسٹر مینجمنٹ اتھارٹی (این ڈی ایم اے) لیفٹیننٹ جنرل انعام حیدر ملک نے کہا ہے کہ وزیر اعظم شہباز شریف کی ہدایت پرترکیہ اور شام کے زلزلہ متاثرین کیلئے فائر پروف خیمے تیار کیے ہیں۔

وزیراعظم محمد شہباز شریف سے  چیئرمین نیشنل ڈیزاسٹر مینجمنٹ اتھارٹی لیفٹیننٹ جنرل انعام حیدر ملک نے وزیراعظم سیکرٹریٹ اسلام آباد میں ملاقات کی۔

یہ بھی پڑھیے

وزیراعظم شہباز شریف سے ترکیہ کے صنعت کاروں کے وفد کی ملاقات

چیئرمین این ڈی ایم اے نے وزیراعظم کو ترکیہ اور شام کے زلزلہ متاثرین کی بحالی کے حوالے سے پاکستان کی جانب سے ریلیف اور بحالی کی کاروائیوں سے آگاہ کیا۔

چیئرمین نیشنل ڈیزاسٹر مینجمنٹ اتھارٹی لیفٹیننٹ جنرل انعام حیدر ملک نے وزیراعظم کو بتایا کہ ترکیہ کے لئے مجموعی طور پر 69 پروازوں کے ذریعے 2686 ٹن خیمے روانہ کیے گئے ہیں۔

چیئرمین این ڈی ایم اے کے مطابق 2597 ٹن امدادی سامان ترکیہ اور شام کو بحری جہازوں کے ذریعے بھیجا گیا۔انہوں نے کہا کہ زلزلہ متاثرین کے لیے 50 ہزار خیمے بھی تیار کیے ہیں۔

لیفٹیننٹ جنرل انعام حیدر ملک نے وزیر اعظم  شہباز شریف کو بتایا کہ آپ کی ہدایت پر این ڈی ایم اے نے 50 ہزار خیمے تیار کروائے ہیں جن میں فائر پروف خیمے بھی شامل ہیں۔

  چیئرمین نیشنل ڈیزاسٹر مینجمنٹ اتھارٹی لیفٹیننٹ جنرل انعام حیدر ملک نے کہا کہ این ڈی ایم اے اب تک 26 خصوصی پروازوں کے ذریعے  36,402 موسم سرما کے خیمے ترکیہ بھجوا جا چکا ہے۔