فیصل مسجد میں درندگی؛ عید کے روز غیر ملکی خاتون سے جنسی ہراسانی مگر پولیس خاموش
عید الفطر کے دوسرے روز اسلام آباد کی شاہ فیصل مسجد میں غیرملکی خاتون سیاح کو بے ہنگم ہجوم نے جنسی ہراسانی کا نشانہ بنایا جبکہ پولیس تاحال کسی قسم کی کوئی کارروائی عمل میں نہیں لائی،اسلام آباد کے رہائشیوں کے مطابق عید پر پولیس سیکیورٹی موجود نہیں تھی
وفاقی دارالحکومت اسلام آباد کی شاہ فیصل مسجد میں عید الفطر کے دوسرے روز غیرملکی خاتون کو بھاری ہجوم میں گھیرے میں لیکر جنسی طور پر ہراسانی کا نشانہ بنایا جبکہ پولیس نے کوئی کارروائی نہیں کی۔
ابتدائی اطلاعات کے مطابق غیر ملکی سیاح خاتون سے جنسی ہراسانی کا واقعہ ملک کی مشہور و معروف شاہ فیصل مسجد میں پیش آیا، پولیس نے واقعے کا نوٹس لے لیا لیکن کوئی تحقیقات شروع نہیں کی ہے ۔
یہ بھی پڑھیے
گلوکارہ ماہا علی کاظمی کا علی نور پر کوک اسٹوڈیو میں جنسی ہراسانی کا الزام
اسلام آباد میں شکر پڑیاں کے واقعے کے بعد شاہ فیصل مسجد میں غیرملکی خاتون سیاح کو عید کے دوسرے روز بے ہنگم ہجوم نے جنسی طور پر ہراساں کیا جبکہ اس موقع پر پولیس بھی موجود نہیں تھی۔
سوشل میڈیا پر وائرل وڈیو میں دیکھا جاسکتا ہے کہ وفاقی داراحکومت کی مسجد میں غیرملکی سیاح خاتون کو ذلت انگیز انداز میں ہراساں کیا گیا جس کی وجہ سے وہ جلد از جلد وہاں سے نکلنے پر مجبور ہوگئی۔
اسلام آبادیز نامی ایک ٹوئٹر ہینڈل سے افسوسناک واقعے کی وڈیوز شیئر کرتے ہوئے بتایا گیا کہ عید کے موقع پر شاہ فیصل مسجد ،مین ہائی وے اور کئی جگہوں پر پولیس اور ٹریفک پولیس موجود نہیں تھی ۔
The Faisal Masjid administration must provide security to the foreign guests. @ICT_Police @dcislamabad pic.twitter.com/MtKMkyBL8A
— Islamabadies (@Islamabadies) April 23, 2023
سوشل میڈیا پر وائرل وڈیو میں دیکھا جا سکتا ہے کہ ایک بے ہنگم مردوں اور بچوں کا ہجوم غیر ملکی خاتون سیاح کے پیچھے پیچھے بھاگ رہے تاہم ایک شخص نے خاتون کو وہاں سے نکلنے میں مدد فراہم کی ۔
واقعے کی وڈیو سوشل میڈیا پر وائرل ہوتے ہی صارفین نے اسے انتہائی جاہلانہ طرز عمل قرار دیا اور پولیس اور دیگر حکام سے نوٹس لینے اور ہراسانی کرنے والوں کو گرفتار کرنے کا مطالبہ کیا ہے ۔
ایک خاتون صارف نے لکھا کہ پاکستان کا خوبصورت ترین دارالحکومت، باقی ملک کیسا ہو گا خود سوچ لیں جبکہ عبداللہ نامی ایک ٹوئٹر صارف نے کہا کہ "کتنے پست، جاہل اور ذلیل ہیں ہم” ۔
پاکستان کا خوبصورت ترین دارالحکومت ، باقی ملک کیسا ہو گا
خود سوچ لیں 🤔— Momina ✨ (@mominaai) April 23, 2023
یاد رہے کہ شاہ فیصل مسجد کے واقعے سے قبل اسی طرح کا ایک اور واقعہ پاکستان کے یوم آزادی والے روز شکر پڑیاں میں پیش آیا تھا جہاں متعدد غیر ملکیوں خواتین کو ہراسانی کا نشانہ بنایا گیا تھا ۔
واضح رہے کہ پاکستان پینل کوڈ کی دفعہ 509 کے تحت اگر کوئی شخص کسی عورت کی توہین کرتا ہے، خواہ اشاروں یا الفاظ کے ذریعے، اسےتین سال قید، یا جرمانہ یا دونوں سزائیں دی جا سکتی ہیں۔
