توشہ خانہ فوجداری کیس: اسلام آباد ہائی کورٹ عمران خان کی درخواستوں پر آج فیصلہ سنائے گی

اسلام آباد ہائی کورٹ (آئی ایچ سی) توشہ خانہ فوجداری کیس کے سلسلے میں سابق وزیراعظم اور پاکستان تحریک انصاف (پی ٹی آئی) کے چیئرمین عمران خان کی جانب سے دائر درخواستوں پر جمعہ کو اپنا فیصلہ سنائے گی۔

جمعرات کو اسلام آباد ہائی کورٹ کے چیف جسٹس عامر فاروق نے عمران خان کی جانب سے جمع کرائی گئی متعدد درخواستوں کی سماعت کے بعد فیصلہ محفوظ کیا تھا۔

یہ بھی پڑھیے 

لاہور ہائیکورٹ نے شہریار آفریدی کی نظر بندی کو غیر قانونی قرار دے دیا

توشہ خانہ فوجداری کیس: عمران خان نے دفاع کا حق معطل کرنے کا فیصلہ چیلنج کردیا

یہ درخواستیں توشہ خانہ فوجداری کیس کی سماعت کو روکنے اور دوسری عدالت میں منتقل کرنے کی استدعا کرتی ہیں۔ مزید برآں، درخواستوں میں ٹرائل کورٹ میں دفاع کا حق مانگنے والی درخواست اور حکم امتناعی کی بھی درخواست شامل ہے۔

توشہ خانہ ریفرنس، جس کی وجہ سے معزول وزیر اعظم کو آئین کے آرٹیکل 63(1)(p) کے تحت "جھوٹے بیانات اور غلط اعلان” کے تحت نااہل قرار دیا تھا۔ الیکشن کمیشن آف پاکستان (ای سی پی) نے 21 اکتوبر 2022 کو فیصلہ جاری کیا تھا۔

سماعت کے دوران عمران خان، ان کے وکلاء خواجہ حارث اور گوہر خان پیش ہوئے تھے جبکہ الیکشن کمیشن کی جانب سے وکیل امجد پرویز عدالت میں پیش ہوئے تھ۔

اسلام آباد ہائی کور کے چیف جسٹس عامر فاروق نے فریقین کے دلائل سننے کے بعد فیصلہ محفوظ کیا تھا جو آج سنایا جائے گا۔