اسلام آباد میں میاں بیوی نے7سالہ گھریلوملازمہ کو آگ لگاکر موت کے گھاٹ اتار دیا

اسلام آباد میں شقی القلب میاں بیوی نے7 سالہ گھریلوملازمہ کو آگ لگاکرموت کے گھاٹ اتاردیا گیا۔ انسانیت سے عاری جوڑا معصوم بچی کو نذرآتش کرکے گھر سے فرار ہوگیا۔

صحافی نورالامین دانش نے ٹوئٹر پر اپنے پیغامیں بتایا کہ اسلام  آباد میں تھانہ کرپا کی حدود میں شقی القلب میاں بیوی نے 7 سالہ گھریلوملازمہ کو آگ لگاکر موت کے گھاٹ اتار دیا ۔

یہ بھی پڑھیے

اسلام آباد میں نامعلوم شخص کی پیزا بوائے سے جنسی زیادتی

نورالامین دانش نے موت کے گھاٹ اتاری گئی بچی کی تصویر شیئر کرتے ہوئے لکھا کہ انسانیت سے عاری میاں بیوی نے کرپا میں معصوم بچی کو آگ لگا کر پانی کے ہوض میں پھینک کر فرار ہوگئے ۔

اسلام آباد میں سات سالہ بچی کو آگ لگا کر موت کے گھاٹ اتار دیا گیا۔کرپا میں معصوم بچی کو آگ لگا کر پانی کے ہوض میں پھینک کر مرد عورت فرار ، چھت پر دھواں اٹھنے سے گھر والوں نے چھت دیکھی تو بچی کی لاش جل رہی تھی pic.twitter.com/8jLOB6GP5i

— Noorulamin Danish (@Noorulamin000) August 24, 2022

صحافی نور الامین دانش نے کہا کہ چھت پر دھواں اٹھنے سے گھر والوں نے چھت دیکھی تو بچی کی لاش جل رہی تھی۔

صحافی نور الامین دانش کے ٹوئٹر پیغام پر اسلام آباد پولیس نے  بتایا کہ تھانہ کرپا کی حدود کوہسار ٹاؤن میں 7 سالہ بچی کو جلانے کے انسانیت سوز واقعے میں ملوث سفاک ملزمہ کو  گرفتار کرلیا گیاہے ۔

اپنی ٹوئٹ میں  اسلام آباد پولیس حکام نے کہا کہ  آئی جی اسلام آباد نے اس اندوہناک واقعے کا نوٹس لیتے ہوئے ڈی آئی جی آپریشنز کو ملزمان کی جلد گرفتاری کی ہدایات جاری کی تھیں۔

تھانہ کرپا کی حدود کوہسار ٹاؤن میں 7 سالہ بچی کو جلانے کے انسانیت سوز واقعے میں ملوث سفاک ملزمہ گرفتار۔ آئی جی اسلام آباد نے اس اندوہناک واقعے کا نوٹس لیتے ہوئے ڈی آئی جی آپریشنز کو ملزمان کی جلد گرفتاری کی ہدایات جاری کی تھیں۔
1/2

— Islamabad Police (@ICT_Police) August 26, 2022

پولیس حکام نے کہا کہ ایس پی رورل کی زیرنگرانی پولیس ٹیموں نے مرکزی ملزمہ کو گرفتار کر لیا جبکہ ایک اور ملزم کی گرفتاری کیلئے تحرک جاری ہے۔

اپنی ٹوئٹ میں اسلام آباد پولیس حکام  نے بتایا کہ ملزمان کے خلاف قانون کے مطابق مزید کارروائی جاری ہے۔ سنگین نوعیت کے مقدمات میں اسلام آباد پولیس زیرو ٹالرنس کی پالیسی پر عمل پیرا ہے۔