نیب نے عمران خان کے خلاف توشہ خانہ کیس کی تحقیقات شروع کردیں

نیب نے کابینہ ڈویژن اور سرکاری توشہ خان سے عمران خان کے تحائف کا ریکارڈ حاصل کرلیا ہے ، جس کے بعد چیئرمین تحریک انصاف کے خلاف تحقیقات کا آغاز کردیا گیا ہے۔

نیب ذرائع کا کہنا ہے کہ عمران خان کی جانب سے توشہ خانہ کے تحائف لیتے ہوئے اشیاء کے کم ریٹ لگائے جانے کا انکشاف ہوا ہے۔

یہ بھی پڑھیے

لاہور ہائیکورٹ سے سی سی پی او کی درخواست ناقابل سماعت قرار

رویہ بدلیں، میں وزیر نہ رہا تو آپ بھی نہیں رہیں گے، امین الحق کا اسحٰق ڈار کو انتباہ

ذرائع کا کہنا ہے کہ نیب نے عمران خان کی توشہ خانہ سے لی گئی تین گھڑیوں کی خریداری میں اپریزر رپورٹ بھی مشکوک قرار دے دی ہے۔

ذرائع کے مطابق عمران خان کی جانب سے تین قیمتی گھڑیوں گراف اور رولیکس کی انڈر انوائسنگ کا انکشاف ہوا ہے۔

نیب ذرائع کا کہنا ہے کہ تحقیقات میں اس بات کا بھی انکشاف ہوا ہے کہ توشہ خانہ سے تحائف خریدتے وقت عمران خان نے رقوم کی ادائیگی بھی کسی اور کے اکاونٹ سے کیں۔

نیب نے توشہ خانہ کیس میں کابینہ ڈویژن، سرکاری توشہ خانہ کے افسران اور رانا ابرار خالد کا ابتدائی بیان قلمبند کرلیا ہے۔

ذرائع کا کہنا ہے کہ ڈی جی نیب راولپنڈی عمران خان کے خلاف توشہ خانہ کیس کی تحقیقات کی نگرانی کررہے ہیں۔