پشاور پولیس لائنز میں دھماکہ: کرکٹرز اور فنکاروں کی شدید مذمت
قومی کرکٹرز اور شوبز انڈسٹری سے تعلق رکھنے والے فنکاروں نے دھماکے میں شہید ہونے افراد کے اہلخانہ سے دلی ہمدردی کا اظہار کرتے ہوئے ان کے صبرجمیل کی دعا کی ہے۔
قومی کرکٹ ٹیم کے سابقہ اور موجودہ پلیئرز اور پاکستان شوبز انڈسٹری سے تعلق رکھنے والے فنکاروں نے پشاور پولیس لائنز میں خودکش دھماکے کی شدید مذمت کی ہے ، جس میں اب تک کی اطلاعات کے مطابق خاتون سمیت 32 افراد شہید جبکہ 150 سے زائد زخمی ہیں۔
سماجی رابطوں کی ویب سائٹ ٹوئٹر پر پیغام شیئر کرتے ہوئے سابق ٹیسٹ کرکٹ شعیب ملک نے کہا ہے کہ "میں پشاور کی مسجد میں ہونے والے اس دھماکے کی شدید مذمت کرتا ہوں۔ متاثرہ افراد کے خاندانوں اور وہاں موجود تمام لوگوں کے لیے دعاگو ہوں۔ ہمیں اس مشکل وقت میں ان کا ساتھ دینا چاہیے۔”
یہ بھی پڑھیے
پاکستانی نژاد اسما نعیم امریکی میوزیم کی پہلی غیرسفید فام سربراہ بن گئیں
پولیس لائنز مسجد میں خودکش دھماکہ : 32 افراد شہید ، 147 سے زائد زخمی، ٹی ٹی پی نے ذمہ داری قبول کرلی
– I strongly condemn this blast in Peshawar mosque. Sending many prayers to the families and everyone affected there. We should stay together in these tough times…
— Shoaib Malik 🇵🇰 (@realshoaibmalik) January 30, 2023
پاکستان شوبز انڈسٹری کے معروف اداکار عدنان صدیقی نے اپنے ٹوئٹر ہینڈل پر لکھا ہے کہ ” پشاور دھماکے میں زخمی ہونے والوں کے لیے دعاگو ہوں۔ عبادت گاہ پر حملہ ناقابل بیان جرم ہے۔ اللہ کے واسطے بے گناہوں کو چھوڑ دو۔ وہ صرف سکون سے نماز پڑھ رہے تھے۔ دہشت گردوں کا نہ کوئی ضمیر ہوتا ہے اور نہ ہی کوئی مذہب۔”
Praying for those injured in the blast in #Peshawar. Unspeakable crime attacking a place of worship. Spare the innocent for Allah’s sake. They were just offering namaz peacefully. T*rrorists have no conscience, no religion.
— Adnan Siddiqui (@adnanactor) January 30, 2023
قومی کرکٹ ٹیم کے سابق کپتان محمد حفیظ نے مرحومین سے اظہار ہمدردی کرتے ہوئے اپنے ٹوئٹر ہینڈل پر لکھا ہے کہ "پشاور سے پریشان کن اور دردناک خبر آئی ہے۔ پشاور دھماکے کے مرحومین کی روحوں کے لیے دعاگو ہوں، اور تمام متاثرہ خاندانوں سے تعزیت کرتا ہوں۔ ہمیں امن چاہیے۔آمین۔”
Disturbing & painful news from Peshawar. Prayers for departed souls & Condolences to all effected families. #Peshawarblast we need peace 🤲🏼 Aameen
— Mohammad Hafeez (@MHafeez22) January 30, 2023
معروف کرکٹر جنید خان نے پشاور دھماکے کی مذمت کرتے ہوئے سماجی رابطوں کی ویب سائٹ ٹوئٹر پر لکھا ہے کہ ” اللہ لواحقین کو یہ ناقابل برداشت نقصان برداشت کرنے کا حوصلہ عطا فرمائے۔”
AKHIR KYUN? Kyun har bar pukhtoono k sath hotha hai? Saddened and shocked by the bomb blast in #Peshawar
May Allah give the families patience to cope with this unbearable loss. #Peshawarblast— Junaid khan 83 (@JunaidkhanREAL) January 30, 2023
