پی ٹی آئی ڈیجیٹل ہیڈ اظہر مشوانی کے مبینہ اغواء کی ایف آئی آر درج
مقدمہ اظہر مشوانی کے بھائی مظہر الحسن مشوانی کی درخواست پر گرین ٹاؤن پولیس نے نامعلوم افراد کے خلاف اغواء کا مقدمہ درج کرلیا ہے۔
پاکستان تحریک انصاف کے ڈیجیٹل میڈیا سیل کے ہیڈ اور رہنما تحریک انصاف اظہر مشوانی کے مبینہ اغواء کے خلاف دائر درخواست پر سیشن کورٹ کی جانب سے سی سی پی او کو نوٹس جاری کرنے کے بعد لاہور پولیس نے نامعلوم افراد کے خلاف اغواء کا مقدمہ درج کرلیا ہے۔
اظہر مشوانی کے بھائی مظہر الحسن مشوانی کی شکایت پر گرین ٹاؤن پولیس میں درج کرائی گئی ایف آئی آر میں موقف اختیار کیا گیا ہے کہ اظہر مشوانی جمعرات کے روز اپنے گھر کے باہر سے اس وقت اغواء کرلیا گیا جب وہ ٹیکسی میں زمان پارک جا رہے تھے۔
یہ بھی پڑھیے
سابق وزیراعظم عمران خان کا فول پروف سیکیورٹی کیلئے لاہور ہائیکورٹ سے رجوع
گورنر خیبرپخوا بھی الیکشن کمیشن کے نقش قدم پر؛ 8 اکتوبر کو انتخابات کی تجویز
درخواست میں کہا گیا ہے کہ ان کے اغواء کے کچھ دیر بعد ان کا موبائل فون بھی بند ہوگیا اور اس کے بعد سے اہل خانہ اور دوست ان سے رابطہ نہیں کر پارہے۔
اظہر مشوانی کے بھائی نے اپنی درخواست میں دعویٰ کیا ہے کہ کچھ نامعلوم افراد ان کے بھائی کو اغواء کر کے نامعلوم مقام پر لے گئے۔
اس قبل مظہر الحسن مشوانی نے اغواء کا مقدمہ درج کرانے کے لیے سیشن کورٹ سے رجوع کیا تھا ، لیکن ابھی تک کوئی کارروائی نہیں کی گئی۔
درخواست گزار نے عدالت سے استدعا کی تھی کہ پولیس کو مقدمہ درج کرنے اور ان کے بھائی کو بازیاب کرانے کا دے۔
ایڈیشنل ڈسٹرکٹ اینڈ سیشن جج نے سی سی پی او کو نوٹس جاری کرتے ہوئے 28 مارچ کو جواب جمع کرانے کی ہدایت کی تھی۔
واضح رہے کہ پاکستان تحریک انصاف کے ڈیجیٹل میڈیا ہیڈ کو 23 مارچ دوپہر ڈھائی بجے کے قریب ان کے گھر کے باہر نامعلوم افراد نے اغواء کرلیا تھا ، چیئرمین تحریک انصاف عمران خان نے حسان نیازی کے اغواء کی شدید الفاظ میں مذمت کی تھی اور ان کی فوری رہائی کا مطالبہ کیا تھا۔
یاد رہے کہ ہیومن رائٹس کمیشن آف پاکستان (ایچ آر سی پی) نے بھی پی ٹی آئی کارکن کی ’گرفتاری‘ کی شدید مذمت کی تھی اور مطالبہ کیا تھا کہ انہیں فوری طور پر عدالت میں پیش کیا جائے۔
HRCP condemns the arrest of PTI activist @MashwaniAzhar reportedly for having criticised the Punjab police and provincial government for employing questionable tactics against party workers in the recent political fray. Mr Mashwani must be produced before the court promptly. pic.twitter.com/StBsIfXO4h
— Human Rights Commission of Pakistan (@HRCP87) March 24, 2023
سماجی رابطوں کی ویب سائٹ ٹوئٹر پر پیغام شیئر کرتے ہوئے لکھا تھا کہ ’ادارہ پی ٹی آئی کارکن اظہر مشوانی کی گرفتاری کی مذمت کرتا ہے جنہوں نے مبینہ طور پر حالیہ سیاسی میدان میں پارٹی کارکنوں کے خلاف قابل اعتراض حربے استعمال کرنے پر پنجاب پولیس اور صوبائی حکومت پر تنقید کی تھی، اظہر مشوانی کو فوری طور پر عدالت میں پیش کیا جائے‘۔
