کورکمانڈر ہاؤس لاہور پر حملے کی کوریج کرنیوالا صحافی ارقم شیخ 13 روز سے لاپتہ

لاہور سے تعلق رکھنےوالے صحافی ارقم شیخ کو 9 مئی کو رکمانڈر ہاؤس لاہور پر حملے کے دوران صحافتی ذمے داریاں پوری کرنا مہنگا پڑگیا۔

صحافی کی اہلیہ نے دعویٰ کیا ہے کہ ان کے  شوہر 13 مئی کو لاہور میں پیش آنے والے افسوسناک واقعے کے بعد سے  مسلسل لاپتہ ہیں۔

یہ بھی پڑھیے

عمران خان نے پیچھے ہٹنے کے لیے حکومت کے سامنے دو شرائط رکھ دیں

عمران خان کو بڑا جھٹکا ، فواد چوہدری نے پارٹی چھوڑنے کا اعلان کردیا

نوجوان صحافی کی اہلیہ نے اپنے شوہر کی جانب سے کمانڈر ہاؤس لاہور کے باہرفلمائی گئی  وڈیو بھی ٹوئٹر  ہینڈل پر شیئر کی ہے جس میں ارقم شیخ کو واضح طور پر جناح ہاؤس کے باہر کھڑے ہوکر بلوائیوں کی وڈیو بناتے ہوئے دیکھاجاسکتا ہے۔

It’s been 13 days since the abduction of my husband @ArqumSheikh He went into the cantt area just to fulfill his journalist duties. We still have no idea about his whereabouts.#ReleaseArqumSheikh @IHRF_English @hrw pic.twitter.com/XMKqVwhLdY

— Noor E Mubeen (@NooreMubeen2) May 23, 2023

وڈیو میں نوجوان صحافی نے واضح کیا کہ وہ صرف باہر کھڑے ہوکراپنی صحافتی ذمے داریاں ادا کررہے ہیں اور وہ تحریک انصاف کے کارکن نہیں ہیں جوعمارت کے احاطے میں داخل ہوجائیں۔

لاپتہ صحافی کی اہلیہ نے اپنے ٹوئٹ میں لکھاکہ”میرے شوہر ارقم شیخ کی گمشدگی کو 13 روز گزرچکےہیں، وہ اپنی صحافتی ذمے داریوں کی ادائیگی کیلیے کینٹ کے علاقے میں گئے تھے، ہمیں تاحال ان کے ٹھکانے کا کوئی علم نہیں ہے۔