یاسمین راشد کی جیل طبیعت بہت خراب ہے،انکے لیے آواز اٹھائیں، خدیجہ شاہ
انسداد دہشت گردی عدالت میں پیشی کے موقع پر فیشن ڈیزائنر نے جیل میں خود سے روا رکھے گئے سلوک سے متعلق سوالات نظر انداز کردیے۔
9 مئی کو رکمانڈرلاہور کی رہائشگاہ جناح ہاؤس پر حملے کے الزام میں گرفتارملک کی معروف فیشن ڈیزائنر خدیجہ شاہ نے جیل میں قید تحریک انصاف کی بزرگ رہنما ڈاکٹر یاسمین راشد کی طبیعت انتہائی ناساز ہونے کا دعویٰ کردیا۔
گزشتہ روز انسداد دہشت گردی عدالت میں پیشی کے موقع پر فیشن ڈیزائنر نے جیل میں خود سے روا رکھے گئے سلوک سے متعلق سوالات نظر انداز کردیے۔
یہ بھی پڑھیے
پی ٹی آئی رہنما ڈاکٹر یاسمین راشد کو کور کمانڈر ہاؤس حملہ کیس میں بری کردیا گیا
آڈیو یا ویڈیو ملزم کے خلاف بطور ثبوت استعمال نہیں کی جاسکتی، لاہور ہائیکورٹ
عدالت سے واپسی پر صحافیوں نے فیشن ڈیزائنر سے جیل میں روا رکھے جانے والے سلوک کے بارے میں سوالات کیے تاہم انہوں نے کوئی جواب نہیں دیا تاہم انہوں نے ڈاکٹر یاسمین راشد کی خرابی صحت کا دعویٰ کردیا۔
ڈاکٹر یاسمین راشد کا بلڈ پریشر کافی زیادہ ہے اور لاہور ہائی کورٹ نے کل ان کی رہائی کے احکامات جاری کیے تھے
“ڈاکٹر یاسمین کی طبیعت ناساز ہے۔ ان کے لیے آواز اٹھائیں”- خدیجہ شاہ
pic.twitter.com/3QqKAmMP48— PTI (@PTIofficial) June 2, 2023
خدیجہ شاہ نے کہاکہ ڈاکٹر یاسمین راشد کی طبیعت کل پوری رات بہت خراب رہی ہے، ان کیلیے آواز اٹھائیں وہ بہت عمررسیدہ خاتون ہیں،وہ بہت دلیر خاتون ہیں اور وہ جیل میں بہت بیمار رہتی ہیں۔
Khadijah Shah informs that senior PTI leader Dr Yasmin Rashid is very unwell in prison. We must raise our voice for her. pic.twitter.com/4p3oYbZKBK
— Hammad Azhar (@Hammad_Azhar) June 2, 2023
تحریک انصاف کے مفرور رہنما حماد اظہر نے خدیجہ شاہ کی وڈیو شیئر کرتے ہوئے لکھاکہ ہمیں یاسمین راشد کیلیے ضرور آوازاٹھانی چاہیے۔