راؤ سردار کی جگہ فیصل شاہکار آئی جی پنجاب پولیس تعینات

فیصل شاہکار کا شمار پاکستان پولیس کے انتہائی پروفیشنل، فرض شناس اور تجربہ کار پولیس افسران میں ہوتا ہے۔

وفاقی حکومت نے ایڈیشنل آئی جی فیصل شاہکار کو انسپکٹر جنرل پولیس پنجاب کے عہدے پر تعینات کردیا۔

فیصل شاہکار پاکستان پولیس سروس کے گریڈ 22 کے آفیسر ہیں۔ ان کا تعلق سولہویں کامن سے ہے ۔ فیصل شاہکار نے 1988میں بطور اے ایس پی پاکستان پولیس سروس جوائن کی۔

یہ بھی پڑھیے

ڈالر کی قیمت کو  15 دنوں کے لیے کیپ نہیں کرسکتے، مفتاح اسماعیل

پی اے سی نے آٹو مینوفیکچرز کے لیے نئی آٹو پالیسی متعارف کروا دی

فیصل شاہکار نے لگ بھگ تین برس ایڈیشنل آئی جی اسپیشل برانچ کے عہدے پر خدمات سر انجام دیں۔

فیصل شاہکار ساہیوال اور گوجرانوالہ میں ریجنل پولیس آفیسر کے عہدوں پر بھی تعینات رہے۔

فیصل شاہکار تین باراقوام متحدہ مشن پربوسنیا اور لائبریا سمیت دیگر ممالک میں بھی فرائض اداکر چکے ہیں۔

فیصل شاہکار لاہور، شیخوپورہ، ساہیوال، ملتان، پاکپتن، ٹوبہ ٹیک سنگھ، تھرپارکر، ننکانہ اور گوجرانوالہ میں اہم عہدوں پر تعینات رہ چکے ہیں۔

فیصل شاہکار اے آئی جی آپریشنز، سنٹرل پولیس آفس لاہور میں بھی فرائض ادا کر چکے ہیں۔

فیصل شاہکار ڈی آئی جی پولیٹیکل سپیشل برانچ کے عہدے پر بھی دو برس تعینات رہے۔

فیصل شاہکار نے اسٹیبلشمنٹ ڈویژن اسلام آباد اور ڈی آئی جی ویلفیئر پنجاب کے عہدے پر بھی خدمات سر انجام دیں۔

فیصل شاہکار ان دنوں وفاق میں خدمات سر انجام دے رہے ہیں۔ فیصل شاہکار کو ملکی و عالمی سطح پر اہم عہدوں پر فرائض کی ادائیگی کا وسیع تجربہ حاصل ہے۔

فیصل شاہکار کا شمار پاکستان پولیس کے انتہائی پروفیشنل، فرض شناس اور تجربہ کار پولیس افسران میں ہوتا ہے۔

متعلقہ تحاریر