وزیراعلیٰ پنجاب چوہدری پرویز الٰہی سے معروف عالم دین مولانا طارق جمیل کی ملاقات
مولانا طارق جمیل سے گفتگو کرتے ہوئے وزیراعلیٰ پنجاب چوہدری پرویز الٰہی نے کہا کہ ہم نے سرکاری دفاتر، وزیراعلیٰ آفس، گورنر ہاؤس اور دیگر اہم سرکاری مقامات کو آیت مبارکہ سے مزین کر دیا ہے جبکہ پنجاب کے تمام تر سرکاری دفاتر میں ایک بجے سے 2 بجے تک نماز کا وقفہ دیا جائے گا
وزیراعلیٰ پنجاب چوہدری پرویز الٰہی کا کہنا ہے کہ علماء کرام ملک کی نظریاتی سرحدوں کے محافظ ہیں۔ علماء کرام نے ہمیشہ اہم موقعوں پر قوم کی رہنمائی کی ہے۔ علماء کرام کی ملک وقوم کے لئے گراں قدر خدمات کو سراہتے ہیں۔
وزیراعلیٰ پنجاب چوہدری پرویز الٰہی سے معروف عالم دین مولانا طارق جمیل نے ملاقات کی۔ ملاقات میں پرنسپل سیکرٹری وزیراعلیٰ محمد خان بھٹی، ایم پی اے حافظ عمار یاسر، راسخ الٰہی، یوسف جمیل، سابق صوبائی وزیرعبدالغفورمیو سمیت دیگر موجود تھے۔
یہ بھی پڑھیے
مولانا طارق جمیل کی شہباز شریف اور عمران خان سے علیحدہ علیحدہ ملاقاتیں
مولانا طارق جمیل سے گفتگو کرتے ہوئے وزیراعلیٰ پنجاب چوہدری پرویز الٰہی کا کہنا ہے کہ علماء کرام ملک کی نظریاتی سرحدوں کے محافظ ہیں، انہوں نے ہمیشہ قوم کی رہنمائی کی ہے ۔
چوہدری پرویزالٰہی کا کہنا تھا کہ ہم نے سرکاری دفاتر، وزیراعلیٰ آفس، گورنر ہاؤس اور دیگر اہم سرکاری مقامات کو آیت مبارکہ سے مزین کر دیا ہے جبکہ پنجاب کے تمام تر سرکاری دفاتر میں ایک بجے سے 2 بجے تک نماز کا وقفہ دیا جائے گا ۔
انہوں نے کہا کہ سود کے حوالے سے بھی ہم نے قانون سازی کی۔نجی طورپر سودی کاروبارکرنے والوں کیلئے پانچ سال کی سزا مقرر کی ہے۔
وزیراعلیٰ پنجاب کا کہنا تھا کہ الحمدللہ ہم نکاح نامے میں ختم نبوتﷺ کا حلف نامہ شامل کرنے میں کامیاب ہوئے جس کی بدولت اب ہماری بچیوں کا مستقبل محفوظ ہے۔آئندہ کسی بچی اور خاندان کے ساتھ دھوکہ نہیں ہوسکے گا۔
