پنجاب کابینہ کی 100 ارب روپے کے احساس راشن ڈسکاؤنٹ پروگرام کی منظوری
چیئرپرسن احساس پروگرام ڈاکٹر ثانیہ نشتر کے مطابق احساس راشن ڈسکاؤنٹ پروگرام سے 80 لاکھ گھرانے مستفید ہوسکیں گے۔
وزیراعلیٰ چوہدری پرویز الہٰی کی زیر قیادت پنجاب کابینہ نے اتوار کے روز 100 ارب روپے کے احساس راشن ڈسکاؤنٹ پروگرام کی منظوری دے دی۔
اس بات کا انکشاف چیئرپرسن احساس پروگرام ڈاکٹر ثانیہ نشتر نے اپنے ٹوئٹر اکاؤنٹ پر کیا ہے۔ انہوں نے اپنے پیغام میں لکھا ہے کہ "پنجاب کابینہ نے 100 ارب روپے کے احساس راشن رعایت پروگرام کی منظوری دے دی ہے! 80 لاکھ گھرانے مستفید ہونگے۔”
پنجاب کابینہ نے100ارب روپے کے احساس راشن رعایت پروگرام کی منظوری دےدی ہے! 80لاکھ گھرانے مستفید ہونگے اور آٹے، دال،گھی یا پکانے کے تیل پر40فیصد تک رعایت ہوگی۔آج سے رجسٹریشن کا آغاز ہوگیا ہے۔جو گھرانےاس پروگرام سے مستفید ہونا چاہتےہیں اس کیو آر کوڈ کو سکین کر کےرجسٹریشن کروائیں۔1/2 pic.twitter.com/xyG4WeYoLm
— Senator Dr Sania Nishtar (@SaniaNishtar) October 2, 2022
انہوں نے لکھا ہے کہ "آٹے ، دال ، گھی یا پکانے کے تیل پر 40 فیصد تک رعایت ہو گی۔ آج سے رجسٹریشن کا آغاز ہوگیا ہے۔ جو گھرانے اس پروگرام سے مستفید ہونا چاہتے ہیں اس کیو آر کوڈ کو سکین کر کے رجسٹریشن کروائیں۔”
یہ بھی پڑھیے
ماہرین تعلیم کی جی سی یو کے وائس چانسلر کے خلاف بیانات کی مذمت
25 مئی کے واقعات کی تحقیقاتی کے لیے ون مین ٹربیونل قائم
ڈاکٹر ثانیہ نشتر نے لکھا ہے کہ "کریانہ دکاندار اس کیو آر کوڈ کو سکین کر کے رجسٹریشن کروائیں۔ جو دکاندار پہلے سے پروگرام میں شامل تھے ان کو دوبارہ رجسٹریشن کی ضرورت نہیں ہے۔”
پنجاب میں جو گھرانےاحساس راشن رعایت سے مستفید ہونا چاہتےہیں وہ کیو آر کوڈ کےعلاوہ 8123پر گھر کے کسی ایک فردکا قومی شناختی کارڈ نمبر بھیج کر یا پنجاب خدمت مراکزسے رجوع کر کےبھی رجسٹریشن کرواسکتے ہیں۔جو گھرانے پہلے سے پروگرام میں رجسٹر تھے وہ اہل ہونگےمگر انکو دوبارہ رجسٹرہونا ہوگا pic.twitter.com/F2ClTuA8OJ
— Senator Dr Sania Nishtar (@SaniaNishtar) October 2, 2022
چیئرپرسن احساس پروگرام نے اپنے ٹوئٹر پیغام میں لکھا ہے کہ "دکانداروں کو ہر سبسڈی سیل پر 8 فیصد کمیشن اور ہر سہ ماہی میں قرعہ اندازی کے ذریعے قیمتی انعامات دیئے جائیں گے۔”
پی ٹی آئی کی رہنما ثانیہ نشتر نے لکھا ہے کہ "پنجاب میں جو گھرانے احساس راشن رعایت سے مستفید ہونا چاہتے ہیں وہ کیو آر کوڈ کے علاوہ 8123 پر گھر کے کسی ایک فرد کا قومی شناختی کارڈ نمبر بھیج کر یا پنجاب خدمت مراکز سے رجوع کر کے بھی رجسٹریشن کروا سکتے ہیں۔”
کریانہ دکاندار اس کیو آر کوڈ کو سکین کر کے رجسٹریشن کروائیں۔ جو دکاندار پہلے سے پروگرام میں شامل تھے ان کو دوبارہ رجسٹریشن کی ضرورت نہیں ہے۔ دکانداروں کو ہر سبسڈی سیل پر8فیصد کمیشن اور ہر سہ ماہی میں قرعہ اندازی کے ذریعے قیمتی انعامات دیئے جائیں گے۔ 2/2 pic.twitter.com/8L5N2hfvHS
— Senator Dr Sania Nishtar (@SaniaNishtar) October 2, 2022
ڈاکٹر ثانیہ نشتر نے مزید لکھا ہے کہ "جو گھرانے پہلے سے پروگرام میں رجسٹر تھے وہ اہل ہونگے مگر انکو دوبارہ رجسٹر ہونا ہوگا۔”
