عمران خان کو کتنی گولیاں لگیں؟ شوکت خانم اسپتال کا وضاحتی بیان جاری

چیئرمین پی ٹی آئی عمران خان کو لانگ مارچ کے دوران ہونے والے قاتلانہ حملے میں کتنی گولیاں لگیں؟ شوکت خانم اسپتال نے وضاحتی بیان جاری کردیا۔

تفصیلات لے مطابق سابق وزیر اعظم عمران خان پر قاتلانہ حملے کے بعد سے اس بات پر بحث جاری ہے کہ انہیں کتنی گولیاں لگیں۔؟ چیئرمین پی ٹی آئی عمران خان نے اپنے بیان میں کہا کہ انہیں چار گولیاں لگیں۔ تاہم ان کی معالج ڈاکٹر فیصل سلطان نے بریفنگ کے دوران گولیوں کے چار ٹکڑوں کا ذکر کیا تھا۔

یہ بھی پڑھیے

وزیراعلیٰ پنجاب کا نوٹس بےاثر، عمران خان پر حملہ آور ملزم کا دوسرا بیان بھی باہر آگیا

توشہ خانہ کیس میں عمران خان کی نااہلی: پارٹی چیئرمین شپ لاہور ہائی کورٹ میں چیلنج

عمران خان کے بیان کے بعد وزیر داخلہ رانا ثناء اللہ نے تنقید کرتے ہوئے کہا تھا کہ عمران خان کو 4 گولیاں نہیں لگیں، کوئی بھی آزاد میڈیکل بورڈ جائزہ لے تو جھوٹ پکڑا جائے گا۔ پہلے دن سے کہہ رہے ہیں معاملے کی صاف اور شفاف تحقیقات کے لئے تمام ایجنسیز کی ہائی لیول جے آئی ٹی تشکیل دی جائے۔ عمران خان کو 4 گولیاں لگیں یا نہیں اس بات پر شوکت خانم اسپتال نے وضاحتی بیان جاری کرتے ہوئے بتایا ہے کہ عمران خان کی سرجری کے دوران گولی کے 4 ٹکڑے نکالے گئے۔

عمران خان کی بائیں ٹانگ سے ٹکڑا نہیں نکالا گیا۔ عمران خان ہسپتال پہنچنے پر مکمل ہوش میں تھے۔ آپریشن ٹکڑے نکالنے کے لیے کیا گیا۔ عمران خان کی حالت تیزی سے بہترہورہی ہے۔

سابق وزیراعظم عمران خان کی صحت پہلے سے بہتر ہونے پر انہیں لاہور شوکت خانم ہسپتال سے ڈسچارج کردیا گیا، تحریک انصاف کے چیئرمین عمران خان زمان پارک کے لیے روانہ ہوں کی اطلاعات آئیں تھی۔