لاہور ہائیکورٹ سے سی سی پی او کی درخواست ناقابل سماعت قرار

لاہور ہائیکورٹ نے سی سی پی او لاہور غلام محمود ڈوگرکی معطلی کے خلاف درخواست ناقابل سماعت قرار دے کر نمٹادی۔

لاہور ہائیکورٹ کے جسٹس مزمل اختر نے سی سی پی او لاہور غلام محمود ڈوگر کی جانب سے معطلی کے خلاف دائر درخواست پر سماعت کی جس دوران عدالت نے استفسار کیا کہ کیا ہائیکورٹ کو اختیار ہے کہ وہ معطلی کے معاملے کو دیکھے۔

یہ بھی پڑھیے

ممنوعہ فنڈنگ کیس: جسٹس ضیاء باجوہ کی عمران خان کی درخواست سننے سے معذرت

عمران خان کو کتنی گولیاں لگیں؟ شوکت خانم اسپتال کا وضاحتی بیان جاری

وکیل درخواست گزار نے کہا کہ ایک وفاقی وزیر کے خلاف قانونی کارروائی کی، اس لیے سی سی پی اوکو نشانہ بنایا گیا، دو حکومتوں کے معاملے میں ایک سول سرونٹ کے حقوق کا تحفظ ضروری ہے۔ عدالت نے کہا کہ بظاہر یہ اختیار سپریم کورٹ کو تو ہے لیکن ہائیکورٹ کو کیسے اختیار ہے، اس پر وکیل درخواست گزار نے مؤقف اپنایا کہ عدالت اس کا جائزہ لے سکتی ہے۔

وفاقی حکومت کے وکیل نے کہا کہ سی سی پی او کو 3 دن میں رپورٹ کرنے کا کہا جس پر عمل نہیں ہوا، رپورٹ نہ کرنے پر معطلی کا حکم جاری کیا گیا۔

جسٹس مزمل اختر نے کہا کہ عدالت کا سوال یہ ہے کہ ہائیکورٹ کو اس معاملے کی سماعت کا اختیار کیسے ہے، لاہور ہائیکورٹ کو اس درخواست کی سماعت کا اختیار نہیں۔

عدالت نے سی سی پی او لاہور غلام محمود ڈوگر کی معطلی کے خلاف درخواست کو ناقابل سماعت قرار دے کر نمٹا دیا۔