وزیراعلیٰ پنجاب کیلیے ظہور الٰہی روڈ پر ٹریفک نہ روکنے کا اعلان

وزیراعلیٰ پنجاب چوہدری پرویز الٰہی کے صاحبزادے مونس الٰہی نے اعلان کیا ہے کہ اب ظہور الٰہی روڈ پر وزیراعلیٰ کیلیے ٹریفک نہیں روکا جائے گا۔

لاہور سے تعلق رکھنے والے صحافی نے  چوہدری پرویزالٰہی گھر کے باہر غیرمعمولی سیکیورٹی کے باعث سگنل فری کینال روڈ پر ٹریفک جام معمول ہونے کی شکایت کی تھی ۔

یہ بھی پڑھیے

منی لانڈرنگ کیس: ملزمان کے وکیل کی عدم پیشی پر سماعت 25 نومبر تک ملتوی

لانگ مارچ کے خلاف دائر درخواست پر پنجاب حکومت کو مزید مہلت مل گئی

گزشتہ روز جیو نیوز کے رپورٹر  شاہد حسین نے  اپنے ٹوئٹ میں وزیراعلیٰ پرویز الٰہی اور مونس الٰہی  کو مخاطب کرتے ہوئے لکھا تھا کہ کینال روڈ سے منسلک ظہور الٰہی روڈ پر آپ کے گھر اور پروٹوکول کی وجہ سے سگنل فری کینال روڈ پر اب قطاریں ہی لگی رہتی ہیں۔

InshAllah solution today. Have already scheduled meeting with CM Punjab security team. People having to wait is not acceptable. https://t.co/u4a1HXnlWN

— Moonis Elahi (@MoonisElahi6) November 14, 2022

انہوں نے کہاکہ  ایک انڈر پاس سے دوسرے انڈرپاس تک ایک منٹ کا فاصلہ 15 منٹ میں طے ہوتا ہے،خلق خدا آپ کے وزیر اعلی ٰبننے کی وجہ سے مشکل میں رہتی ہے۔

شاہد حسین کے ٹوئٹ پر تبصرہ کرتے ہوئے مونس الہٰی نے یقین دہانی کرائی  کہ انشااللہ آج مسئلہ حل کرلیا جائے گا۔ وزیراعلیٰ پنجاب کی سیکیورٹی ٹیم سے ملاقات پہلے ہی طے کر چکے ہیں،لوگوں کا انتظار کرنا قابل قبول نہیں ہے۔

آج سی ایم پنجاب کی سیکورٹی ٹیم کے ساتھ یہ طے پایا ہے کہ وہ پہلے ٹریفک نہیں روکیں گے۔ سی ایم پنجاب مان گئے ہیں کہ وہ 10 منٹ پہلے روانہ ہو جایا کریں گے۔ شہباز شریف، صدر مملکت اور باقی VVIP اپنی ذمہ داری خود اٹھائیں۔

— Moonis Elahi (@MoonisElahi6) November 14, 2022

بعد ازاں مونس الٰہی نے ایک اور ٹوئٹ میں بتایا کہ آج وزیراعلیٰ پنجاب کی سیکیورٹی ٹیم کے ساتھ یہ طے پایا ہے کہ وہ پہلے ٹریفک نہیں روکیں گے،وزیراعلیٰ پنجاب مان گئے ہیں کہ وہ 10 منٹ پہلے روانہ ہو جایا کریں گے۔ شہباز شریف، صدر مملکت اور باقی وی وی آئی پی اپنی ذمہ داری خود اٹھائیں۔