پیشہ ور بھکاری کراچی کی دکانوں سے سالانہ کتنے ارب روپے کماتے ہیں؟
پیشہ ور گداگر کراچی میں صرف دکانوں سے سالانہ 32 ارب 40 کروڑ روپے کماتےہیں، اس رقم سے ایک لاکھ 35 ہزار خاندانوں کو سال بھر کا راشن مہیا کیا جاسکتا ہے، ظفر عباس نے اس رمضان پیشہ ور گداگروں کے بائیکاٹ کی مہم شروع کردی
جعفریہ ڈزاسٹر سیل (جے ڈی سی) کے سربراہ ظفر عباس نے دعویٰ کیا ہے کہ کراچی میں پیشہ ور بھکاری صرف دکانوں سے سالانہ اربوں روپے کماتے ہیں۔
ظفر عباس نے اس رمضان المبارک میں پیشہ کا بائیکاٹ کرکے مستحق اور سفید پوش خاندانوں تک امداد پہنچانے کی مہم شروع کردی۔سماجی رہنما پیشہ ورگداگروں کے بجائے مستحق خاندانوں کی مدد کرنے پر حوصلہ افزائی کیلیے فاسٹ فوڈ کی دکان پر جاپہنچے۔
یہ بھی پڑھیے
ظفر عباس نے سیلاب کے دوران منافع خوروں کو بے نقاب کردیا
ملک میں سالانہ بنیاد پر مہنگائی کی شرح میں 43 فیصد تک جاپہنچی
سماجی کارکن ظفر عباس نے اپنی وڈیو میں بتایاکہ کراچی میں پیشہ ور بھکاری لوگوں کو جذبات کو مجروح کرکے سالانہ اربوں روپے کماتے ہیں۔انہوں نے اعداد و شمار پیش کرتے ہوئے بتایا کہ کراچی میں صرف دکانوں سے پیشہ ور گداگر سالانہ 32 ارب 40 کروڑ روپے کماتے ہیں،اس میں بس اڈوں، ریلوے اسٹیشنوں، گھروں اور سگنلز پر کھڑے ہونے والے گداگر شامل نہیں ہیں صرف دکانوں سے گداگر اتنی بڑی رقم کماتے ہیں۔
کراچی میں صرف دکاندار سالانہ 32 ارب روپے ڈھونگی فقیروں کو دے دیتے ہیں ۔ڈھونگی فقیروں کا بائیکاٹ اور زخیرہ اندوزوں کا بائیکاٹ ۔
لازمی اس ویڈیو کو ری ٹوئیٹ کیجیے ٹیگ کیجیے دوستوں کو تاکےلوگ اس مہم کو سمجھ کر اس مہم کا ساتھ دیں pic.twitter.com/WQJKQNZVb6— Syed Zafar Abbas (@ZafarJdc) March 12, 2023
انہوں نے کہا 32 ارب 40 کروڑ روپے سے 20 ،20 مالیت کے راشن خریدے جائیں تو 16لاکھ 20ہزار تھیلے بنوائے جاسکتے ہیں جن کی مدد سے سالانہ ایک لاکھ 35 ہزار سفید پوش خاندانوں کی مدد کی جاسکتی ہے اور پورے ملک کے عوام گداگروں کا بائیکاٹ کریں تو سالانہ لاکھوں مستحق خاندانوں کی مدد کی جاسکتی ہے۔
ڈونگی فقیروں کا بائیکاٹ کیجیےاور لاکھوں سفید پوش خاندانوں کی مدد کیجیے
ہماری اپیل پر پہلی زندہ مثال دیکھیے اور اس ویڈیو کو لازمی ری ٹوئیٹ کیجئے تا کہ لاکھوں سفید پوش مستحق خاندانوں کی اس رمضان سے امداد کا سلسلہ شروع ہو جائے pic.twitter.com/feQlwkB7Rc— Syed Zafar Abbas (@ZafarJdc) March 12, 2023
ظفر عباس نے گداگروں کابائیکاٹ کرکے مستحق خاندانوں کی مدد کرنے پرکراچی کے معروف فاسٹ فوڈ ریسٹورنٹ جاکر اس کے مالک کا حوصلہ بھی بڑھایا اور عوام سے رمضان المبارک میں پیشہ ور گداگروں کے بائیکاٹ کی اپیل کردی۔
