اسد علی شاہ نے "کے الیکٹرک”کی کارگردگی پر سنجیدہ سوالات اٹھا دیئے  

پیپلز پارٹی کے سینئر رہنما سابق وزیراعلیٰ سندھ سید قائم علی شاہ کے صاحبزادے اسد علی شاہ  کا کہنا ہے کہ نجکاری کے اٹھارہ سال بعد بھی  "کے الیکٹرک” کی خراب کارگردگی کی وجوہات کیا ہیں؟۔

قائم علی شاہ کے بیٹے اسد علی شاہ نے کراچی کو بجلی فراہم کرنے والی کمپنی "کے الیکٹرک” کی کارگردگی پر سوال اٹھاتے ہوئے کہا کہ نجکاری کے 18 سال بعد بھی کارگردگی بہتر نہ ہونے کی کیا وجوہات ہیں؟۔

یہ بھی پڑھیے

حکومت آئی ایم ایف کے آگے لیٹ گئی، کے الیکٹرک کے صارفین پر ڈبل سرچارج عائد

سماجی رابطے کی ویب سائٹ ٹوئٹر پر اپنے تھریڈ میں اسدعلی شاہ نے بتایا کہ گزشتہ نو ماہ کے دوران کے الیکٹرک نے 40 ارب روپے کو نقصان اٹھایا جبکہ مالی سال 23 میں 50 ارب  نقصان کا تخمینہ  لگایا گیا ہے ۔

1/ At a time when energy production, storage, transmission & distribution is being radically reimagined through combination of AI, machine learning & other innovations, our privately managed utility incurred loss of Rs. 39.4 bln in 9 months & est loss of over 50 bln in Fy 23
⬇️ pic.twitter.com/zLn9mf5kvi

— Asad Ali Shah (@Asad_Ashah) May 1, 2023

انہوں نے کہا کہ آج آرٹیفیشل انٹیلیجنس، مشین لرننگ اور دیگر ذرائع سے  توانائی کی پیداوار، اسٹوریج، ٹرانسمیشن اور تقسیم کو تبدیل کیا جا رہا ہےاس وقت بھی ہمارے منظم ادارے نقصان اٹھارہے ہیں۔

اسد علی شاہ نے کہا کہ حکومت پاکستان، انتظامی و ریگولیٹرز    اتھارٹی  اور کمپنی کے پالیسی میکرز(ڈاریکٹرز) سے سوال ہے کہ نجکاری کے اٹھارہ سال بعد بھی   کے الیکٹرک کی خراب کارکردگی کی وجوہات کیا ہیں؟۔

اسد علی شاہ کا کہنا تھا کہ کیا اس کی وجہ ناقص پالیسی، ناقص گورننس، ناقص وژن، بدانتظامی، سالمیت کے مسائل ہیں؟۔انتظامیہ کی شاندار کارکردگی کے باوجود منفی بیرونی حالات کی وجہ سے ہے۔

قائم علی شاہ کے بیٹے اسد علی شاہ کا کہنا تھا کہ یہ وضاحت کتنی معتبر ہے؟۔ کیا یہ مزید تحقیقات کے قابل ہے، یا ہم "معمول کے مطابق کاروبار” کے ساتھ جاری رکھیں گے؟۔