کراچی سمیت سندھ کے کئی علاقوں میں اگلے ہفتے ہیٹ ویو کے خدشے کا امکان
محکمہ موسمیات نے اندرون سندھ اور کراچی میں شدید گرمی کی پیش گوئی کردی۔

محکمہ موسمیات کے مطابق کراچی اور اندرون سندھ کے درجہ حرارت میں آنے والے دنوں میں اضافہ متوقع ہے ، جس کی وجہ سے صوبے کو اگلے ہفتے ہیٹ ویو کا سامنا کرنا پڑ سکتا ہے اور کچھ علاقوں میں درجہ حرارت 44 ڈگری سینٹی گریڈ تک بڑھنے کا امکان ہے۔
پاکستان کے محکمہ موسمیات (پی ایم ڈی) نے 8 سے 9 مئی کو وسطی اور بالائی سندھ میں شدید گرم موسم کی پیش گوئی کی ہے۔
محکمہ موسمیات کی رپورٹ کے مطابق دن کے وقت زیادہ سے زیادہ درجہ حرارت 44 ڈگری سینٹی گریڈ تک بڑھنے کا امکان ہے۔
یہ بھی پڑھیے
کراچی میں ضمنی بلدیاتی الیکشن کی ووٹر لسٹوں میں سنگین غلطیوں کا انکشاف
ضمنی بلدیاتی انتخابات کے نتائج مکمل: میئر کراچی پیپلز پارٹی یا جماعت اسلامی کا؟ مقابلہ سخت
محکمہ موسمیات نے یہ بھی پیش گوئی کی ہے کہ اگلے تین دنوں کے دوران شہر میں گرمی اور نمی میں اضافہ ہوگا۔
محکمہ موسمیات کی جانب سے درجہ حرارت 36 سے 38 ڈگری سیلسیس کے درمیان رہنے کی پیش گوئی کی گئی ہے۔ تاہم، پی ایم ڈی نے خبردار کیا کہ اس وقت مغرب اور جنوب مغرب سے 13 کلومیٹر فی گھنٹہ کی ممکنہ رفتار سے ہوائیں چل سکتی ہیں۔
محکمہ موسمیات کے مطابق، اپریل کے مہینے میں ملک بھر میں معمول سے 12.5 فیصد سے زیادہ بارشیں ہوئیں۔ بارش کی زیادہ سے زیادہ مقدار 191 ملی میٹر ریکارڈ کی گئی۔ بارشوں کی وجہ سے اپریل کے مہینے کیں درجہ حرارت گر گیا تھا ، مہینے کا اوسط درجہ حرارت معمول سے 0.26 ڈگری سیلسیس کم ریکارڈ کیا گیا تھا۔