بغیر حفاطتی انتظامات سینیٹری ورکرز کے گٹروں اور نالوں میں اترنے  پر پابندی عائد

سندھ ہائیکورٹ  نے سینیٹری ورکرز کے حفاظتی کٹ اور انتظامات کے بغیرنالوں اور گٹروں میں اترنے پر پابندی عائد کردی۔

عدالت نے قرار دیا ہے کہ اگر کسی سینیٹری ورکر کی موت واقع ہوئی تو سیکریٹری لوکل گورنمنٹ کیخلاف ایف آئی آر کا حکم دیں گے۔

یہ بھی پڑھیے

شہزاد رائے سینیٹری ورکرز کے حقوق کیلیے بھی کمربستہ

عشنا شاہ این سی ایچ آر کی سینیٹری ورکرز کیلئے خدمات کی معترف

سندھ ہائیکورٹ نے سنیٹری ورکرزکو بغیرکٹ اورسیفٹی کے نالوں میں اترنے سے روکنے کی ہدایت جاری کردی۔سندھ ہائیکورٹ نے سنیٹری ورکرز کو سیفٹی کٹ فراہم نہ کرنےکےخلاف درخواست پر سماعت کی جس سلسلے میں سیکریٹری لوکل گورنمنٹ سید نجم شاہ عدالت میں پیش ہوئے۔

سندھ ہائیکورٹ نے بغیر حفاظتی انتظامات کے گٹر میں اترنے پہ سینٹری ورکرز پہ پابندی لگا دی عدالت کیمطابق آئندہ کوئی ورکر جان سے گیا تو سیکرٹری پہ مقدمہ ہوگا سینٹری ورکرز نے عدالت سے استدعا کی کہ انہیں بھی انسان سمجھا جائے

— Faizullah Khan فیض (@FaizullahSwati) May 31, 2023

درخواست گزار کی وکیل سارہ ملکانی نے کہا کہ انسانی فضلہ، سوئیاں، بلیڈ اور شیشےکے ٹکڑے سینیٹری ورکرز کو نقصان پہنچاتے ہیں، سینیٹری ورکرز کو انسان نہیں سمجھا جاتا،صفائی کرنے والے عملےکو نظر انداز کیا جاتا ہے، سینیٹری ورکرز کو نہ ماسک فراہم کیےجاتےہیں اور  نہ ہی حفاظتی لباس و آکسیجن سلنڈر دیے جاتے ہیں۔

وکیل درخواست گزار نے عدالت سے سینٹری ورکرز کو خصوصی حفاظتی لباس اور دیگر ممالک کی طرح تمام سہولتیں فراہم کرنے کا حکم دینے کی استدعا کی۔

دوران سماعت عدالت نے سیکریٹری لوکل گورنمنٹ سے اس حوالے سے ایس او پیز طلب کرلیں اور چیف جسٹس سندھ ہائیکورٹ نے استفسار کیا سنیٹری ورکرز کو بغیر سیفٹی نالوں میں کیوں اتاراجاتا ہے؟ اس پر سیکرٹری نے کہاکہ ہم نےمنع کیا ہے کوئی بھی ورکر نالےکےاندرنہ جائے۔

چیف جسٹس نے کہا کہ ہمیں ان ذمہ دارلوگوں کےنام بتائیں، ہم کارروائی کا حکم دیں گے۔

بعد ازاں عدالت نے سینٹری ورکرزکو بغیرکٹ اور سیفٹی کےنالوں میں اترنے سے روکنے کی ہدایت دی اور کہا کہ  کسی بھی سینٹری ورکرکی موت ہوئی تو ہم سیکریری بلدیات کے خلاف ایف آئی آرکا حکم دیں گے۔عدالت نے درخواست پر مزید سماعت 14 جون تک ملتوی کردی۔