مرحوم ایم این اے عامر لیاقت حسین کے پوسٹ مارٹم کے لیے میڈیکل بورڈ تشکیل
پولیس سرجن ڈاکٹر سمعیہ کی سربراہی میں چھ رکنی میڈیکل بورڈ تشکیل دیا گیا ہے۔
معروف میزبان اور مرحوم ایم این اے عامر لیاقت حسین کے پوسٹ مارٹم کے لیے میڈیکل بورڈ تشکیل دے دیا گیا ، اور اس حوالے سے نوٹی فیکیشن بھی جاری کردیا گیا ہے۔
تفصیلات کے مطابق مرحوم ایم این اے عامر لیاقت حسین کی باڈی کے پوسٹ مارٹم کے لیے چھ رکنی میڈیکل بورڈ تشکیل دے دیا گیا ہے۔ میڈیکل بورڈ پولیس سرجن ڈاکٹر سمعیہ کی سربراہی میں تشکیل دیا گیا ہے۔
یہ بھی پڑھیے
عامر لیاقت کے پوسٹمارٹم کے حکم پر بشریٰ اقبال کی جذباتی پوسٹ
سماجی تنظیم کی جانب سے دانیہ شاہ کے خلاف سیشن کورٹ میں درخواست دائر
نوٹی فیکیشن کے مطابق 23 جون کی صبح 9 بجے ڈاکٹر عامر لیاقت حسین کی قبرکشائی ہو گی۔ ایڈیشنل پولیس سرج شاہد نظام اور ایچ او ڈی فرانزک میڈیسن جناح پرویز مخطوم بھی میڈیکل بورڈ میں شامل ہوں گے۔ فرانزک ایکسپرٹ ڈاکٹر ہری رام اور ڈاکٹر گلزار علی بھی میڈیکل بورڈ کا حصہ ہوں گے۔
نوٹی فیکیشن کے مطابق ایم ایل او ڈاکٹر اریب بقائی بھی میڈیکل بورڈ کا حصہ ہوں گے۔
عامر لیاقت حسین کی قبر کشائی کے لیے بریگیڈ پولیس کو آئی جی سندھ نے عدالت حکم پر احکامات دیئے تھے ، جس کے بعد قبرکشائی کے لیے انتظامات مکمل کرلیے گئے ہیں۔ عبداللہ شاہ غازی کے قبرستان میں موجود عامر لیاقت حسین کی قبرکشائی کی جائے گی اور وہیں سے سیمپل اکٹھے کیے جائیں گے۔ بعدازاں جسدخاکی کو دوران دفنا دیا جائے گا۔
گزشتہ دنوں معروف میزبان اور مرحوم ایم این اے عمر لیاقت حسین کی سابقہ اہلیہ بشریٰ اقبال نےعدالتی حکم کے تناظر میں پوسٹ مارٹم کے تکلیف دہ مراحل کی تفصیلات شیئر کرتے ہوئے مرحوم کے مداحوں سے رائے طلب کی تھی۔
کیا آپ سب جو مرحوم عامر لیاقت کے فین اور چاہنے والے ہیں پوسٹ مارٹم کے اس طریقہ کار سے عامر کا جسم گزرے اس کے حق میں ہیں؟ ان کی روح کو یہ اذیت دےکر اپنی تسلی چاہتے ہیں ؟ شریعت مطہرہ ہی اس قبیح عمل، مردے کی چیر پھاڑ اور قبر کشائی کی اجازت نہیں دیتی۔اللہ سب دیکھ رہا ہے#AamirLiaquat pic.twitter.com/Plx2sGysSc
— Dr Bushra Iqbal🇵🇰 (@DrBushraIqbal) June 18, 2022
سماجی رابطوں کی ویب سائٹ ٹوئٹر پر پیغام شیئر کرتے ہوئے بشریٰ اقبال نے لکھا تھا کہ "کیا آپ سب جو مرحوم عامر لیاقت کے مداح اور چاہنے والے ہیں ، اس بات کے حق میں ہیں کہ عامر کا جسم پوسٹ مارٹم کے اس طریقہ کار سے گزرے ؟ ان کی روح کو یہ اذیت دے کر اپنی تسلی چاہتے ہیں؟
انہوں نے مزید لکھا تھا کہ "شریعت مطہرہ ہی اس قبیح عمل، مردے کی چیر پھاڑ اور قبر کشائی کی اجازت نہیں دیتی۔ اللہ سب دیکھ رہا ہے۔”
