سندھ پولیس کے نچلے درجے کے ملازمین کیلیے خوشخبری

وزیراعلیٰ سندھ مراد علی شاہ نے بجٹ تقریر میں کیے گئے اپنے اعلان کو عملی جامہ پہناتے ہوئے  سندھ پولیس کے نچلے درجے کےملازمین کو خوشخبری سنادی۔

وزیراعلیٰ سندھ نے پولیس کے نچلے درجے کےملازمین کے گریڈز دیگر صوبوں کے پولیس اہلکاروں کے برابر کردیے۔

یہ بھی پڑھیے

ٹاور! ٹاور! کراچی کی نئی پیپلز بس سروس میں پرانے طور طریقے جاری

سینئر صحافی افضل ندیم ڈوگرنےپولیس اہلکاروں کے گریڈ ز میں تبدیلی کے حوالے سے محکمہ داخلہ سندھ اور محکمہ خزانہ سندھ کی سمریز کی تصاویر اپنے ٹوئٹر ہینڈل پر شیئر کردیں۔

سندھ کے پولیس والوں کے لیے خوشخبری
سندھ پولیس کے نچلے درجے کے ملازمین کے گریڈ بھی خیبر پختونخوا اور پنجاب پولیس کے برابر کردیئے گئے۔ وزیراعلیٰ سندھ مراد علی شاہ نے خط جاری کر دیا@DMCSindhPolice @KarachiPolice15 #SindhPolice
Good work done by @MuradAliShahPPP pic.twitter.com/e6IVOd516u

— Afzal Nadeem Dogar (@GeoDogar) July 4, 2022

محکمہ داخلہ سندھ کی جانب سے وزیراعلیٰ کو ارسال کردہ  سمری کے مطابق اپ گریڈیشن کے بعد اسسٹنٹ سب انسپکٹر کا گریڈ 9 سے بڑھا کر 11،۔ ہیڈکانسٹیبل اور ڈرائیور ہیڈکانٹیبل کا گریڈ 7 سے بڑھا کر جبکہ کانسٹیبل اور ڈرائیور کانسٹیبل کا گریڈ 5 سے بڑھا کر 7 کردیاگیاہے۔

محکمہ خزانہ سندھ کی جانب سے وزیراعلیٰ سندھ کو ارسال کردہ سمری کے مطابق اہلکاروں کے  گریڈز کی اپ گریڈیشن  کے نتیجے میں سندھ حکومت کو تنخواہوں کی مد میں سالانہ 9.3ارب روپے  ادا کرنا ہوں گے۔