اسحاق ڈار نے مفتاح اسماعیل اور خواجہ آصف کو ملک دشمن قرار دیا؟
پاکستان مخالف عناصر بدنیتی پر مبنی افواہیں پھیلا رہے ہیں کہ پاکستان ڈیفالٹ ہو سکتا ہے۔ یہ نہ صرف سراسر جھوٹ ہے بلکہ حقائق کو بھی جھٹلارہا ہے، وزیر خزانہ کے دعوے کے برعکس ان کی پارٹی کے رہنما بھی ڈیفالٹ کے اعلانات کرچکے
وفاقی وزیر خزانہ اسحاق ڈار نے گزشتہ روز ڈیفالٹ کے خدشات ظاہر کرنے والوں کو پاکستان مخالف قرار دیا تھا تاہم وہ بھول گئے کہ ملک کے ڈیفالٹ ہونے کا دعویٰ کابینہ میں ان کے ساتھ بیٹھنے والے وزیردفاع اسحاق ڈار اور ان کے پیش رو مفتاح اسماعیل نے کی تھی۔
ناقدین نے سوال اٹھایا ہے کہ کیا اسحاق ڈار اپنی جماعت کے موجودہ اور سابق وزرا کو ملک دشمن سمجھتے ہیں؟
یہ بھی پڑھیے
موڈیز نے 5 پاکستانی بینکوں کی ریٹنگ گراکر سی اے اے 3کردی ، آؤٹ لک مستحکم
وزیر خزانہ اسحاق ڈار نے معاشی بدحالی کا ملبہ پی ٹی آئی حکومت پر ڈال دیا
وزیرخزانہ اسحاق ڈار نے گزشتہ روز اپنے ٹوئٹ میں لکھاکہ پاکستان مخالف عناصر بدنیتی پر مبنی افواہیں پھیلا رہے ہیں کہ پاکستان ڈیفالٹ ہو سکتا ہے۔ یہ نہ صرف سراسر جھوٹ ہے بلکہ حقائق کو بھی جھٹلارہا ہے۔
due payments on time. Foreign commercial banks have started extending facilities to Pakistan. Our negotiations with IMF are about to conclude and we expect to sign Staff Level Agreement with IMF by next week. All economic indicators are slowly moving in the right direction. 2/2
— Ishaq Dar (@MIshaqDar50) March 2, 2023
انہوں نےمزید کہا کہ تمام بیرونی واجبات وقت پر ادا کرنے کے باوجود اسٹیٹ بینک کے زرمبادلہ کے ذخائر میں اضافہ ہو رہا ہے اور چار ہفتے پہلے کے مقابلے میں تقریباً ایک ارب امریکی ڈالر زیادہ ہیں۔ غیر ملکی کمرشل بینکوں نے پاکستان کو سہولیات دینا شروع کر دی ہیں۔
انہوں نے دعویٰ کیا کہ آئی ایم ایف کے ساتھ ہمارے مذاکرات مکمل ہونے والے ہیں اور ہم اگلے ہفتے تک آئی ایم ایف کے ساتھ اسٹاف لیول کے معاہدے پر دستخط کرنے کی توقع رکھتے ہیں۔ تمام اقتصادی اشاریے آہستہ آہستہ درست سمت میں بڑھ رہے ہیں۔
دوست ممالک ہم سےبدظن ہوگئےہیں کہ پاکستان جوکہتاہےوہ کرتانہیں ہے۔اگلےہفتے تک آئی ایم ایف معاہدہ ہوجائے گا لیکن ڈیفالٹ کا خطرہ پھر بھی نہیں ٹلے گا۔ ڈیفالٹ سے بچنے کے لئے آئندہ جو بھی حکومت آئے گی اسے آئی ایم ایف کے نئے پروگرام میں جانا ہوگا۔ مفتاح اسماعیل
— Shahzeb Khanzada (@shazbkhanzdaGEO) March 2, 2023
یاد رہے کہ وزیردفاع خواجہ آصف نے گزشتہ دنوں سیالکوٹ میں تقریب سے خطاب کے دوران کہا تھا کہ ملک ڈیفالٹ کرچکا ہے جبکہ گزشتہ روز شاہزیب خانزادہ کے پروگرام میں سابق وزیرخزانہ مفتاح اسماعیل نے دعویٰ کیا تھا کہ آئی ایم ایف کی قسط ملنے کے بعد بھی ملک کے ڈیفالٹ کرجانے کے خدشات برقرار رہیں گے۔
