نواز شریف نے لندن واپسی پر پہلی گفتگو میں سعودی ولی عہد سے ملاقات کا ذکر نہیں کیا

مسلم لیگ ن کے قائد میاں نواز شریف نے سعودی عرب سے لندن واپسی کے بعد میڈیا سے پہلے گفتگو میں ولی عہدمحمد بن سلمان سے ہونے والی ملاقات کے بارے میں کوئی گفتگو نہیں کی ۔

میاں نوازشریف نے گزشتہ روز وزیراعظم  کے معاون خصوصی عون چوہدری سے ملاقات کے بعد میڈیا سے گفتگو کی تھی۔

یہ بھی پڑھیے

وزیراعظم شہباز شریف کے اعتماد کے ووٹ پر کبھی ہاں کبھی نہ، مریم اورنگزیب کی قلابازیاں

اسلام آباد ہائیکورٹ نے عمران خان کیخلاف عدالتی فائل کی گمشدگی کا معاملہ نمٹادیا

اس موقع پر  نواز شریف نے کہا  کہ پی ٹی آئی کے مطالبات تو پچھلے 20 سال سے دیکھ رہے ہیں ان کے مطالبات کا کوئی سرپیر نہیں ہوتا۔

اللہ تعالی کا شکر ہے کہ اس نے ایک بار پھر اپنے گھر بلایا، وہاں پاکستان کی سلامتی کیلئے دعائیں کیں۔ قائد مسلم لیگ ن محمد نواز شریف pic.twitter.com/h1ZAuz4Rxq

— PMLN (@pmln_org) April 27, 2023

 انہوں نے کہا کہ اللہ تعالی کا شکر ہے اس نے اپنے اور نبی پاک کے گھر بلایا، پاکستان کی سلامتی سمیت ہر محب وطن پاکستان کے لیے دعا مانگی ہے، اللہ تعالی پاکستان پر رحم کرے۔

 ناقدین کا کہنا ہے کہ میاں نوازشریف کی جانب سے دورہ سعودی عرب کے بعد پہلی میڈیا ٹاک میں ولی عہد محمد بن سلمان سے ہونے والی مبینہ ملاقات کے بارے میں کوئی بات نہ کرنا معنی خیز ہے، قائد ن لیگ کی خاموشی نے ملاقات پر شکوک و شبہات کو مزید گہرا کردیا ہے۔