عاطف بٹ نے”کنگ آف دی آئرن فسٹ“کا ٹائٹل جیت لیا
ٹیکن ورلڈ ٹورنامنٹ 2022 گلوبل فائنلز ایمسٹرڈیم میں ہفتے اور اتوار کو کھیلا گیا،میرے پاس کچھ کہنے کیلیے الفاظ نہیں ہیں، یہ ایک حقیقی لمحہ ہے، عاطف بٹ
ویڈیو گیم کے ماہر پاکستانی کھلاڑی عاطف بٹ نے نیدرلینڈز میں منعقدہ ٹورنامنٹ جیت کر نئے”کنگ آف دی آئرن فسٹ“کا ٹائٹل جیت لیا۔
ویڈیو گیم پروڈیوسر بندئی نامکو انٹرٹینمنٹ کے ٹیکن ورلڈ ٹوئر سیریز نے انٹرنیشنل آفلائن ٹورنامنٹ کا انعقاد کیا جس میں”کنگ آف دی آئرن فسٹ“ کے لیے کھلاڑیوں کے درمیان سخت مقابلہ ہوا۔
یہ بھی پڑھیے
پاکستانی ای گیمر ارسلان ایش نے کومبو بریکر ٹیکن 7 کا ٹائٹل جیت لیا
20 ملین کے گرینڈ پرائس کے گلیکسی گیمر ز کااختتام ہوگیا
ٹیکن ورلڈ ٹوئر سیریز کاآغاز 24جون کو 16 ریجن میں ہوا جس میں پاکستان پہلی بار خود ریجن کے طور پرفائنل ٹورنامنٹ میں فائنلز میں پہنچا ۔ ٹیکن ورلڈ ٹورنامنٹ 2022 گلوبل فائنلز ایمسٹرڈیم میں ہفتے اور اتوار کو کھیلا گیا۔
بندئی نامکو گیم پروڈیوسر کے ٹوئٹر اکاؤنٹ پر جنوبی کوریا کے کھلاڑی سانگ ہیون کے خلاف عاطف بٹ کی فتح کےلمحات شیئر کیے گئے ۔عاطف بٹ پہلی پوزیشن حاصل کرنے کے ساتھ ساتھ 50 ہزار ڈالر کی انعامی رقم کے حق دار بھی قرار پائے۔
🇵🇰 @AtifButt540 is your #TWT2022 Champion! pic.twitter.com/8UzChqMjRT
— Bandai Namco Esports (@BNEesports) February 5, 2023
گیم کے خالق نے ٹوئٹر پر اعلان کیا کہ”عاطف بٹ نئے کنگ آف دی آئرن فسٹ ہیں“۔
Alhamdulillah for everything!
I would like to thank Allah, my family, my friends, @ashesgamingpk and each and everyone of you who supports me and keeps me going! Thankyou all for your prayers!
I’m out of words right now, it’s all very surreal!
Pakistan Zindabad! 🇵🇰
— Ashes | Atif Butt (@AtifButt540) February 5, 2023
گوجرانوالہ سے تعلق رکھنے والے عاطف بٹ نے اپنی جیت پر خوشی کا اظہار کرتے ہوئےاپنے ٹوئٹ میں کہا کہ” میرے پاس کچھ کہنے کیلیے الفاظ نہیں ہیں، یہ ایک حقیقی لمحہ ہے“۔
Humbled and overwhelmed by all the messages and wishes coming my way! You’re all too kind! Thank you so much!!
All of this feels so very unreal, thank you all for everything, upwards and onwards! THIS is just the beginning!
— Ashes | Atif Butt (@AtifButt540) February 5, 2023
انہوں نے سماجی رابطوں کی ویب سائٹ پر خود کو ملنے والی مبارک پر سب کا شکریہ ادا کیا۔ انہوں نے ٹوئٹر پر لکھا کہ”یہ سب حقیقی محسوس نہیں ہو رہا ،آپ سب کا شکریہ، مزید آگے بڑھنا ہے یہ تو ابھی شروعات ہے“۔