پی ایس ایل 8 میں بقا کی جنگ، کوئٹہ نے پشاور کا 241رنز کاریکارڈ ہدف عبور کرلیا
بابر اور صائم کی 162 رنز کی اوپننگ شراکت کے باعث پشاور زلمی نے مقررہ اوورز میں 2وکٹوں کے نقصان پر 240 رنز بنائے، بابر اعظم کی پی ایس ایل کی پہلی سنچری، کوئٹہ نے جیسن رائے کی 63 گیندوں پر 145 رنز کی برق رفتار اننگز کی بدولت 19 ویں اوور میں ہی ہدف حاصل کرلیا
پی ایس ایل 8 میں بقا کی جنگ میں کوئٹہ گلیڈی ایٹرزنے پشاور زلمی کیخلاف 241 رنز کا اب تک کا سب سے بڑا ہدف عبور کر کے تاریخ رقم کر دی۔
راوالپنڈی کرکٹ اسٹیڈیم میں کھیلے گئےپی ایس ایل 8 کے 25ویں میچ میں پشاور زلمی کے کپتان بابر اعظم نے ٹاس جیت کر پہلے بیٹنگ کا فیصلہ کیا۔
یہ بھی پڑھیے
پی ایس ایل میں کھلاڑیوں کے ساتھ ساتھ انکے والدین کا جذبہ بھی عروج پر
اعظم خان اور شاداب خان کے فوٹو سیشن نے پرستاروں کو نرگس فخری کی یاد دلادی
بابر اعظم اور صائم ایوب نے پشاور زلمی کو 162 رنز کا شاندار آغاز فراہم کیا۔صائم ایوب 34 گیندوں پر 5 چھکوں اور 6 چوکوں کی مدد سے 74 رنز کی دھواں دھار اننگز کھیل کر آؤٹ ہوئے۔
Kya hua? Kaise hua? All we know is that today’s game was everything.
Congratulations to @TeamQuetta on the victory, and @babarazam258 + @JasonRoy20 on crossing the 💯mark. #SabSitarayHumaray l #HBLPSL8 I #PZvQG pic.twitter.com/nSarpiISjx
— PakistanSuperLeague (@thePSLt20) March 8, 2023
بابر اعظم نے 60 گیندوں پر اپنی پہلی پی ایس ایل سنچری اسکور کی اور وہ 3 چھکوں اور 15 چوکوں کی مدد سے 115 رنز بنا کر رن آؤٹ ہوئے۔ روومین پاول 35 اور ٹام کوہلر کیڈمور 7 رنز بنا کر ناٹ آؤٹ رہے۔
Jersey # 56 lives rent-free in our hearts 🥰#SabSitarayHumaray l #HBLPSL8 l #PZvQG pic.twitter.com/e6HsozWROG
— PakistanSuperLeague (@thePSLt20) March 8, 2023
پشاور زلمی نے مقررہ 20 اوور میں 2 وکٹوں کے نقصان پر 240 رنز اسکور کیے جبکہ کوئٹہ کی جانب سے واحد وکٹ ڈیوائن پروٹوریس کے حصے میں آئی۔
پشاور زلمی کے241 رنز کے ہدف کے تعاقب میں کوئٹہ گلیڈی ایٹرز کی جانب سے اننگز کا آغاز مارٹن گپٹل اور جیسن رائے نے کیا اور اننگز کی ابتدا میں ہی جارحانہ اندازاپنایا تاہم مارٹن گپٹل8 گیندوں پر 21 رنز بناکر پویلین لوٹ گئے جس کے بعد ول اسمیڈ بھی بڑی اننگز کھیلنے میں ناکام رہے اور 26رنز بناکر آؤٹ ہوگئے۔
Fantastic. Exquisite.
Second fastest 💯 of the HBL PSL by @JasonRoy20 #SabSitarayHumaray l #HBLPSL8 I #PZvQG pic.twitter.com/I7VwLiUsa5
— PakistanSuperLeague (@thePSLt20) March 8, 2023
تاہم جیسن رائے کا بلا مسلسل رنز اگلتا رہا اور انہوں نے چوکوں چھکوں کی برسات جاری رکھی۔جیسن رائے نے 44 گیندوں پر اپنی پی ایس ایل کی دوسری سنچری مکمل کی جبکہ وہ مجموعی طور پر 63 گیندوں پر 5 چھکوں اور 20 چوکوں کی مدد سے 145 رنز بنا کر ناقابل شکست رہے۔
4⃣4⃣4⃣#SabSitarayHumaray l #HBLPSL8 I #PZvQG pic.twitter.com/ltMZjtJjSU
— PakistanSuperLeague (@thePSLt20) March 8, 2023
محمد حفیظ نے بھی 18 گیندوں پر 41 رنز کی اننگز کھیلی اور اس طرح کوئٹہ نے 241 رنز کا ہدف 19 ویں اوور میں صرف دو وکٹوں کے نقصان پر پورا کر لیا جو پی ایس ایل کی تاریخ کا سب سے بڑا عبور کیا جانے والا ہدف ہے۔
Roy, oh ROY!
Celebrate all you want @TeamQuetta 😍#SabSitarayHumaray l #HBLPSL8 I #PZvQG pic.twitter.com/QghDUv9BQ9
— PakistanSuperLeague (@thePSLt20) March 8, 2023
واضح رہے کہ کوئٹہ گلیڈی ایٹرز کی جانب سے حاصل کیا گیا 241 رنز کا ہدف پی ایس ایل کا اب تک کا ریکارڈ ہے۔اس سے قبل گزشتہ سال ملتان سلطانز نے لاہور قلندرز کی جانب سے دیا گیا 207 رنز کا ہدف حاصل کیا تھا۔
دریں اثنا کوئٹہ گلیڈی ایٹرز اور پشاور زلمی کے میچ میں کئی ریکارڈز بھی بنےجن میں جیسن رائے کی 145رنز کی اننگز بھی شامل ہے جو اب تک پی ایس ایل کا سب سے بڑا انفرادی اسکور ہے۔اسی طرح اس میچ میں کسی بھی ٹی 20 لیگ میں سب سے زیادہ75 باؤنڈریزکا ریکارڈ بھی قائم ہوا۔