سابق کپتان محمد حفیظ ایم سی سی کے تاحیات اعزازی رکن مقرر

برطانیہ کے میریلیبون کرکٹ کلب (ایم سی سی ) نے پاکستان کرکٹ ٹیم کے سابق کپتان محمد حفیظ کو تاحیات اعزاز رکنیت سے نواز دیا۔

سابق ٹیسٹ کرکٹر کو شاندار کیریئر کے اعتراف میں اس اعزاز سے نوازا گیا ہے،محمد حفیظ ایم سی سی کی تاحیات اعزازی رکنیت پانے والے 25 ویں پاکستانی   ہیں۔ پاکستان کے 23 سابق کرکٹرز کے علاوہ پی سی بی کے 2 سابق سربراہان عارف عباسی اور احسان مانی کوبھی یہ اعزاز حاصل ہے۔

یہ بھی پڑھیے

پاک نیوزی لینڈ سیریز کیلئے قومی کرکٹ ٹیم کا اعلان, شاہین آفریدی بھی شامل

پاکستان سے آخری مرتبہ 2019 میں سابق کپتان انضمام الحق کو اس اعزاز سے نوازا گیا تھا۔ ایم سی سی کی تاحیات اعزازی رکنیت ملنے کے بعد محمد حفیظ کو مبارکباد دینے والوں کا تانتا بندھ گیا۔

👏 MCC awards Honorary Life Membership of the Club to some of the world’s finest cricketers.

We can now reveal the names of the latest men and women to have been bestowed with this privilege ⤵️#CricketTwitter

— Marylebone Cricket Club (@MCCOfficial) April 5, 2023

محمد حفیظ  کے علاوہ بھارت کے مہندر سنگھ دھونی، یوراج سنگھ، سریش رائنا، جھولان گوسوامی  اور متھالی راج کو بھی اعزاز پانے والوں میں شامل ہیں۔

انگلینڈ کے این مورگن، کیون پیٹرسن، نیوزی لینڈ کے روس ٹیلر، جنوبی افریقا کے ڈیل اسٹین، ویسٹ اںڈیز کے ماریسا اگیولیریا کو بھی ایم سی سی کی تاحیات اعزازی رکنیت مل گئی۔

بھارت کے جھولان گوسوامی، متھالی راج، ویسٹ انڈیز کے ایمی سیٹرتھ وائٹ اور انگلینڈ کی  آنیا شربسول بھی ایم سی سی کی تاحیات اعزاز رکن بن گئی ہیں۔ انگلش کرکٹ ٹیم کی سابق کپتان جینی گن، آسٹریلیا کی راشیل ہائنز، انگلینڈ کی لورا مارش اوربنگلہ دیش کے مشرفی بن مرتضٰی نے بھی جگہ بنالی۔

I would like to express my deepest gratitude to @MCCOfficial honouring life membership acknowledging my services to this beautiful game of cricket 🏏. Looking forward to meet new friends & add value as member of MCC. pic.twitter.com/Z85nkIcnqV

— Mohammad Hafeez (@MHafeez22) April 5, 2023

سابق کپتان محفظ حفیظ نے کہا ہے کہ میں   تہہ دل سےایم سی سی کا  شکریہ ادا کرنا چاہوں گا جس نے  کرکٹ کے اس خوبصورت کھیل کے لیے میری خدمات کا اعتراف کرتے ہوئے مجھے  تاحیات رکنیت کے اعزازسے نوازا۔ نئے دوستوں سے ملنے اور ایم سی سی کے رکن کی حیثیت سے اپنی خدمات پیش کرنے کا منتظر ہوں۔