سعودی عرب  کا دنیا کی سب سے بڑی ٹی 20 کرکٹ لیگ کرانے کا منصوبہ

سعودی عرب نے دنیا کی سب سے بڑی اور مہنگی ترین کرکٹ ٹی ٹونٹی لیگ کا منصوبہ تیار کر لیا۔

سعودی حکومت نے اس مقصد کیلیے  انڈین پریمیئر لیگ  کے مالکان سے بھی بات کی ہے۔  حکام پُرامید ہیں کہ دنیا کے لیے کرکٹ کا اگلا پڑاؤ سعودی عرب ہو گا۔

یہ بھی پڑھیے

آسٹریلوی اخبار کے مطابق مہنگی ترین لیگ کے لیے سعودی عرب حکومت نے انڈین پریمیئر لیگ کے حکام سے بات کی ہے۔ اس حوالے سے آسٹریلوی میڈیا کا کہنا ہے کہ سعودی حکام نے ٹی ٹونٹی کرکٹ کی مہنگی ترین لیگ کو اپنا اگلا منصوبہ قرار دیا ہے۔

آسٹریلوی میڈیا کے مطابق بھارتی کھلاڑیوں پر اپنے بورڈ کی جانب سے دیگر لیگز میں شرکت پر پابندی ہے اور سعودی عرب کے حکام کی تجویز کے بعد قوانین میں نرمی کیے جانے کا امکان ہے۔

رپورٹس کے مطابق سعودی عرب میں لیگ کے حوالے سے بات چیت ایک برس پہلے شروع ہوئی، آئی سی سی چیئرمین گریگ بارکلے نے ایک انٹرویو میں سعودی سرمایہ کاری کی دلچسپی کی تصدیق کی تھی۔

آئی سی سی  کے چیئرمین بھی کرکٹ مقابلوں کو کھیل کے فروغ کے لیے سعودی عرب میں مقابلوں کے حق میں ہیں۔ آسٹریلوی میڈیا کے مطابق سعودی حکام پُرامید ہیں کہ دنیا کے لیے کرکٹ کا اگلا پڑاؤ سعودی عرب ہو گا۔