ایشز سیریز کے دوران برمنگھم کرکٹ اسٹیڈیم ’دل دل پاکستان‘ کی دھن سے گونج اٹھا

برطانیہ میں انگلینڈ اور آسٹریلیا کی کرکٹ ٹیموں کے درمیان جاری ایشز سیریز کے دوران برمنگھم کرکٹ اسٹیڈیم’دل دل پاکستان‘کی دھن سے گونج اٹھا۔

پاکستانی فاسٹ بولرشاہین شاہ آفریدی کی اسٹیڈیم میں آمداس دلچسپ صورتحال کی وجہ بنی تھی۔

یہ بھی پڑھیے

سری لنکا کے خلاف قومی ٹیسٹ اسکواڈ کا اعلان؛ شاہین شاہ آفریدی کی واپسی

پاکستان کرکٹ ٹیم کے فاسٹ بولر شاہین شاہ آفریدی نے گزشتہ روز انگلینڈ آسٹریلیا کے مابین جاری ایشز سیریز کا میچ دیکھنے کیلیےبرمنگھم کرکٹ اسٹیڈیم کا دورہ کیا۔

Dil Dil Pakistan!

Nice to meet you @iShaheenAfridi, what a legend ❤️ pic.twitter.com/wu2zcRdtnW

— England’s Barmy Army 🏴󠁧󠁢󠁥󠁮󠁧󠁿🎺 (@TheBarmyArmy) June 19, 2023

اس موقع پر اسٹیڈیم میں موجود برطانوی کرکٹ کے بارمی آرمی کے رکن نے شاہین شاہ آفریدی کو دیکھ کر باجے پر’دل دل پاکستان ‘کی دھن بجائی اور پاکستان زندہ باد کے زور دار نعرے لگائے۔

اس واقعے کی وڈیو بارمی آرمی کے آفیشل ٹوئٹر ہینڈل سے شیئر کی گئی ہے۔واضح رہےکہ  بارمی آرمی انگلش کرکٹ ٹیم کے پرستاروں کا ایک گروپ ہے  جس کے ارکان انگلش ٹیم کے ملکی و غیرملکی تمام میچز میں اس کے ساتھ جاتے ہیں۔

Lessons they learnt during Pakistan tour.
This stuff from Barmy Army tells everyone how they were loved when they were here during Pakistan vs England series. pic.twitter.com/i3O0IZkSih

— Faizan Lakhani (@faizanlakhani) June 19, 2023

پاکستانی اسپورٹس جرنلسٹ فیضان لاکھانی نے  بھی اپنے ٹوئٹر ہینڈل پر  یہ وڈیو شیئر کرتے ہوئے لکھا ہے کہ”یہ سبق انہوں نے دورہ پاکستان سے سیکھا ہے، بارمی آرمی کا یہ عمل ظاہر کررہا ہے کہ انہیں انگلش ٹیم کے دورہ پاکستان کے دوران یہاں کتنا پیارملا تھا“۔