پی ایس ایل کی ٹیموں کی تشہیر عروج پر

پاکستان سپر لیگ (پی ایس ایل) کے چھٹے سیزن کا میدان سجنے کو ہے۔ ایونٹ کا آغاز کراچی میں 20 فروری سے ہوگا جس کے لیے ٹیموں کی تشہیر عروج پر ہے۔ مختلف ٹیموں کی جانب سے برانڈ ایمبیسیڈر کے اعلانات کیے جارہے ہیں۔ پی ایس ایل کی ٹیم پشاور زلمی نے ماہرہ خان جبکہ کوئٹہ گلیڈی ایٹرز نے مایا علی کے بعد بلال اشرف کا بھی انتخاب کرلیا ہے۔

پی ایس ایل کے چھٹے سیزن کا پہلا میچ کراچی کے نیشنل اسٹیڈیم میں کراچی کنگز اور کوئٹہ گلیڈی ایٹرز کے درمیان کھیلا جائے گا۔ اس مرتبہ بھی کرکٹ شائقین کو 6 ٹیموں کے درمیان کانٹے کا مقابلہ دیکھنے کو ملے گا۔

 پشاور زلمی نے معروف پاکستانی اداکارہ ماہرہ خان کو اپنا برانڈ ایمبیسیڈر منتخب کیا ہے جس کا اعلان ٹیم کے مالک جاوید آفریدی نے سماجی رابطوں کی ویب سائٹ ٹوئٹر پر کردیا ہے۔

PLEASURE TO ANNOUNCE @TheMahiraKhan AS @PeshawarZalmi’s BRAND AMBASSADOR FOR PSL 6. pic.twitter.com/acI2Sug9B2

— Javed Afridi (@JAfridi10) February 16, 2021

جاوید آفریدی کئی روز سے ٹوئٹر پر ترک اداکارہ ایسرا بیلجک کو پشاور زلمی کا برانڈ ایمبیسیڈر بنانے کا اشارہ دے رہے تھے۔ گزشتہ ہفتے بھی انہوں نے ٹوئٹ میں لکھا کہ ‘نئی شروعات’ اور ایسرا بیلجک کو ٹیگ کیا۔

NEW BEGINNINGS ✨ @esbilgic

— Javed Afridi (@JAfridi10) February 10, 2021

دوسری جانب کوئٹہ گلیڈی ایٹرز نے اداکارہ مایا علی کا انتخاب پہلے ہی کر رکھا تھا۔ گزشتہ روز اداکار بلال اشرف نے بھی فوٹو شیئرنگ ایپ انسٹاگرام پر کوئٹہ گلیڈی ایٹرز کی ٹی شرٹ زیب تن کیے مایا علی کے ساتھ تصویر شیئر کردی ہے۔ انہوں نے تصویر کے ساتھ ‘آر یا پار’ لکھ کر ٹیم کے برانڈ ایمبیسیڈر بننے کا اشارہ دے دیا ہے۔

 

View this post on Instagram

 

A post shared by Bilal Ashraf (@ashrafbilal)

کراچی کنگز کے غیر ملکی کھلاڑی پہلے ہی کراچی پہنچ چکے ہیں۔ گزشتہ روز ٹیم نے نیشنل اسٹیڈیم میں اپنا پہلا پریکٹس میچ بھی کھیلا۔ تصاویر اور ویڈیوز ٹیم کے آفیشل ٹوئٹر ہینڈل سے شیئر بھی کی گئیں۔

👑 #KingsSquad having some 🏏 cricketing tips from our #President #WasimAkram along with #HeadCoach #HerschelleGibbs & #AssistantCoach #DougieBrown here at #NSK 🏟️#KarachiKings #YehHaiKarachi #ChampionsKaKarachi #HBLPSL6 @wasimakramlive @hershybru @dougie1brown pic.twitter.com/fe5Tfw7RVA

— Karachi Kings (@KarachiKingsARY) February 15, 2021

ملتان سلطانز نے محمد رضوان کو ٹیم کا کپتان بنانے کا اعلان کردیا ہے۔

Official Announcement: Multan Sultans announces Mohammad Rizwan as captain of the franchise for #HBLPSL6 pic.twitter.com/dIFD3TKaub

— Multan Sultans (@MultanSultans) February 15, 2021

اسلام آباد یونائیٹڈ نے نیوزی لینڈ کے اوپنر کولن منرو کی جگہ آسٹریلوی اسپنر فواد احمد کو اسکواڈ میں شامل کرلیا ہے۔

یہ بھی پڑھیے

پی ایس ایل کے لیے غیرملکی کھلاڑیوں کی پاکستان آمد شروع

 پی ایس ایل میلے کی افتتاحی تقریب میں معروف گلوکار عاطف اسلم سمیت عمران خان، نصیبو لعل، آئمہ بیگ اور ینگ سٹنرز اپنی آواز کا جادو جگائیں گے۔ اداکارہ حمائمہ ملک بھی خصوصی پرفامنس کے ذریعے تقریب کو چار چاند لگائیں گی۔

Ab dekha ga crowd GROOVE MERA TV PE!

Announcing the #HBLPSL6‘s fantastic opening ceremony lineup: Atif Alsam, Imran Khan, Humaima Malick and our #GrooveMera superstars, Naseebo Lal, Aima Baig and Young Stunners! #MatchDikhao pic.twitter.com/0DaoQhHvEv

— PakistanSuperLeague (@thePSLt20) February 14, 2021

ایونٹ کی افتتاحی تقریب ترکی کے شہراستنبول میں ہوگی تاہم اس حوالے سے پی سی بی کی جانب سے کوئی اعلان سامنے نہیں آیا ہے۔