لاہور قلندرز کے مداح آئندہ میچز سے خوفزدہ
اسلام آباد یونائیٹڈ نے لاہور قلندرز کو 28 رنز سے شکست دے دی ہے۔
پاکستان سپر لیگ (پی ایس ایل) کے چھٹے سیزن کے 20ویں میچ میں لاہور قلندرز کو اسلام آباد یونائیٹڈ کے ہاتھوں شکست کا سامنا کرنا پڑا ہے جس کے بعد ٹیم کے مداح آئندہ میچز سے خوفزدہ ہوگئے ہیں۔
ابوظہبی میں کھیلے گئے میچ میں اسلام آباد یونائیٹڈ نے ٹاس جیت کر پہلے بیٹنگ کا فیصلہ کیا۔ اسلام آباد یونائیٹڈ کی جانب سے 153 رنز کے ہدف کے تعاقب میں لاہور قلندرز کی ٹیم 124 رنز پر ڈھیر ہوگئی۔
یہ بھی پڑھیے
محمد عامر کی کرکٹ ٹیم میں واپسی کی راہیں ہموار؟
اسلام آباد یونائیٹڈ کی جانب سے اننگز کا آغاز کچھ خاص نہیں تھا کیونکہ آدھی ٹیم محض 20 رنز پر آؤٹ ہوگئی تھی تاہم چھٹی وکٹ پر افتخار احمد اور آصف علی نے شاندار 123 رنز کی شراکت داری قائم کی۔ افتخار احمد نے 49 اور آصف علی نے 75 رنز بنائے۔
Super stuff by this duo 👌🏼 #MatchDikhao l #HBLPSL6 I #IUvLQ pic.twitter.com/nA9nMCtdck
— PakistanSuperLeague (@thePSLt20) June 13, 2021
اسلام آباد یونائیٹڈ نے مقررہ 20 اوورز میں 7 وکٹوں کے نقصان پر 152 رنز اسکور کیے۔ لاہور قلندرز کی جانب سے جیمز فاکنز نے 3، جبکہ حارث رؤف اور شاہین شاہ آفریدی نے 2، 2 کھلاڑیوں کو پویلین کی راہ دکھائی۔
اسلام آباد یونائیٹڈ کے برعکس لاہور قلندرز کی ٹیم نے اننگز کا شاندار آغاز کیا۔ کپتان سہیل اختر 55 کے مجموعی اسکور پر 34 رنز بنا کر آؤٹ ہوگئے۔ اس نقصان کے بعد ٹیم میں کوئی بھی بڑی شراکت داری قائم نہ کر سکا اور پوری ٹیم 19ویں اوور میں 124 رنز پر آؤٹ ہوگئی۔ اس طرح اسلام آباد یونائیٹڈ نے 28 رنز سے فتح حاصل کرلی۔
لاہور قلندرز کی جانب سے کپتان سہیل اختر 34 اور فخر زمان 44 رنز بنا کر نمایاں رہے۔
Kya comeback hai! @IsbUnited did the impossible today and stole the victory from @lahoreqalandars’s hands 🙌🏼 #MatchDikhao l #HBLPSL6 l #IUvLQ pic.twitter.com/s19raVsgLI
— PakistanSuperLeague (@thePSLt20) June 13, 2021
اسلام آباد یونائیٹڈ کے محمد موسیٰ نے 3، جبکہ شاداب خان اور فواد احمد نے 2، 2 وکٹیں حاصل کیں۔
ادھر سماجی رابطوں کی ویب سائٹ ٹوئٹر پر لاہور قلندرز کی شکست کے بعد کرکٹ شائقین نے اپنے خیالات کا اظہار کیا ہے۔ محمد شیر نامی صارف نے اپنی ٹوئٹ میں لاہور قلندرز کو مخاطب کر کے انڈین فلم اسٹار رجنی کانت کے مشہور ڈائیلاگ کی ایک تصویر شیئر کی۔
Red Hot Squard Right now :#PSL6 #IU #LahoreQalandars pic.twitter.com/0rowjifYBK
— Muhammad Sher 🇵🇰 (@SherLali007) June 13, 2021
ولید رحمان فاروقی نے مشہور انڈین گانے کو لاہور قلندرز پر تنقید کا ذریعہ بنایا۔
And this will happen surely ✌️#PSL6 #LahoreQalandars ❤️ pic.twitter.com/X7f0Jkf37q
— Waleed Rahman Farooqi (@Waleedrahman724) June 13, 2021
اریبہ نامی صارف نے لاہور قلندرز کی یکے بعد دیگرے وکٹیں گرنے کو بسکٹ کے ایک اشتہار کے ساتھ مزاحیہ انداز میں جوڑا۔
No one
Literally no one
Le LQ ki wickets today😢#psl6 #PSL6 #LahoreQalandars pic.twitter.com/1fVj7sVGUn— Ariba (@AR_IB_A) June 13, 2021
چند ٹوئٹر صارفین نے لاہور قلندرز کے مالک فواد رانا کی اداس تصاویر بھی شیئر کیں۔
Rana Ji Right Now:#LahoreQalandars #HBLPSL6 #LQvIU pic.twitter.com/k4P4ue6w7H
— Momal 〽️ (@Momal_A) June 13, 2021
Rana g to #LahoreQalandars
Such much mre team hee#PSL6 #LQvIU pic.twitter.com/LBASMajkc9— O𝐒𝐌𝐀𝐍 (@usman_zahor) June 13, 2021
اسلام آباد کے ہاتھوں شکست کے بعد لاہور قلندرز کی ٹیم کے مداح آئندہ میچز خوفزدہ ہوگئے ہیں۔ مداحوں کا کہنا ہے کہ لاہور قلندرز نے اس مرتبہ بھی شکست کھانے کی روایت برقرار رکھی ہے، ڈر ہے کہ آئندہ میچز میں بھی کہیں یہی روایت قائم نہ رکھیں۔