کیا پاکستان کی نئی بھابھی آنے والی ہیں؟

انگلینڈ کی خاتون کرکٹر بابر اعظم کی مداح ہوگئیں۔

قومی کرکٹ ٹیم کے کپتان اور ماہر بلے باز بابر اعظم کو شائقین کرکٹ کی ایک بڑی تعداد تو پسند کرتی ہی ہے لیکن اب انگلینڈ کی خاتون کرکٹر ڈینیئل ویٹ بھی بابر اعظم کے سحر میں مبتلا ہوگئی ہیں۔

انگلینڈ کے خلاف پہلے ٹی ٹوئنٹی میچ میں بہترین کارکردگی دکھانے پر انگلینڈ کی خاتون کرکٹ ٹیم کی کھلاڑی ڈینیئل ویٹ نے کپتان بابر اعظم کی تعریف کی اور ان کے کھیل کو بےحد سراہا۔ ڈینیئل ویٹ نے سماجی رابطوں کی ویب سائٹ ٹوئٹر پر پیغام میں بابر اعظم کا نام لکھا اور ساتھ ہی حیرانی اور تالیاں بجانے والے ایموجی شیئر کیے۔

یہ بھی پڑھیے

دوسرے ٹی ٹوئنٹی میں شکست پر قومی ٹیم تنقید کی زد میں

خاتون کرکٹر کے اس ٹوئٹ پر پاکستانی سوشل میڈیا صارفین کے دلچسپ تبصرے سامنے آئے۔ چند ٹوئٹر صارفین نے تو ڈینیئل ویٹ کو مستقبل کی ’بھابھی‘ قرار دے دیا۔

کچھ صارفین نے تو رشتہ مبارک کا ٹوئٹ کردیا۔

ایک صارف نے ڈینیئل ویٹ کو مخاطب کرتے ہوئے لکھا کہ لگتا ہے آپ بابر اعظم کے عشق میں مبتلا ہوگئی ہیں۔

ایک اور پاکستانی صارف نے بابر اعظم کو مخاطب کرتے ہوئے کہا کہ لگتا ہے خاتون کرکٹر آپ سے محبت کر بیٹھی ہیں۔

ایک صارف نے لکھا کہ یہ خاتون توجہ حاصل کرنے کے لیے ایسے تبصرے کرتی ہیں۔ اس سے پہلے وہ بھارتی کرکٹر ویرات کوہلی کو شادی کی پیشکش بھی کرچکی ہیں۔

 

بابر اعظم کی ڈینیئل ویٹ سے دوستی کی خبروں میں کتنی صداقت ہے یہ تو آنے والا وقت ہی بتائے گا لیکن ان دنوں سوشل میڈیا صارفین کو ایک نئی تفریح ضرور مل گئی ہے۔

واضح رہے کہ انگلینڈ کے خلاف پہلے ٹی ٹوئنٹی میچ میں بابر اعظم نے شاندار بلے بازی کی اور49 گیندوں پر 85 رنز کی اننگز کھیلی تھی۔

Facebook Comments Box