جیولن تھرو ایتھلیٹ ارشد ندیم نے اپنے سپورٹر کا نام ظاہر کردیا

پاکستانی اولمپیئن اور جیولن تھرو ایتھلیٹ ارشد ندیم نے بالآخر اپنے سپورٹر کا نام ظاہر کردیا ہے جنہوں نے ٹوکیو اولمپکس کے لیے کوالیفائی کرنے سے پہلے ان کی مدد کی تھی اور وہ کوئی اور نہیں بلکہ پاکستان میں ڈیجیٹل کرنسی کو متعارف اور بڑھاوا دینے والے وقار ذکاء ہیں۔

ارشد ندیم ٹوکیو اولمپکس 2021 میں تمغے کے لیے قوم کی آخری امید بن کر ابھرا تھا جب وہ جیولین تھرو کے مقابلے کے فائنل میں پہنچے تھے۔ بدقسمتی سے وہ تمغہ حاصل کرنے میں ناکام رہے تھے۔

یہ بھی پڑھیے

کرکٹر راشد خان کی عالمی رہنماؤں سے افغانستان میں جنگ بندی کی اپیل

ٹوکیو اولمپکس میں تربیت یافتہ بین الاقوامی کھلاڑیوں کے مقابلے میں بہترین لگن کے ساتھ کھیل پیش کرکے ارشد ندیم نے قوم کے دل جیت لیے ہیں۔

جیولن تھرو ایتھلیٹ ارشد ندیم جب جاپان سے پاکستان پہنچے تو یوٹیوبر اور پروگرام اینکر وقار ذکاء نے ان کا استقبال کیا۔ اس موقع پر ڈیجیٹل کرنسی کے روح رواں وقار ذکاء نے انہیں 5 ہزار ڈالرز تحفے میں پیش کیے ہیں۔

Amazing moment with ⁦@Arshadnadeem76⁩ https://t.co/vPN6r1cuAB

— Waqar Zaka (@ZakaWaqar) August 11, 2021

ارشد ندیم نے اپنے سماجی رابطوں کی ویب سائٹ ٹوئٹر پر پیغام شیئر کرتے ہوئے لکھا تھا کہ وقار ذکا نے اس وقت بھی ان کی مدد کی تھی جب میں ابھی اولمپکس کے لیے کوالیفائی نہیں کیا تھا۔

I would like to thank @zakawaqar for his support even before I was qualified , later sending one Lac rupees to my family. Although I was unable to win but still Waqar is coming to Airport as he wants to give the gift he promised

— Arshad Nadeem (@Arshadnadeem76) August 11, 2021

واضح رہے کہ وقار ذکاء نے جیولن تھرو ایتھلیٹ ارشد ندیم کے خاندان کو ایک لاکھ روپے بھجوائے تھے جب وہ ٹوکیو میں تھے۔

پاکستانی فلموں کے ڈائریکٹر، مصنف اور فلم میکر نبیل قریشی نے ارشد ندیم کے ٹوئٹ پر ٹوئٹ کرتے ہوئے لکھا ہے  کہ ” ہاں وہ واقعی اچھے ہیں۔”

Thats very kind !!! https://t.co/VrNZUF9RSD

— Nabeel Qureshi (@nabeelqureshi) August 11, 2021