ٹی ٹوئنٹی ورلڈ کپ ٹرافی کے ورچوئل ٹور کا آغاز
آئی سی سی کے مطابق کرونا وائرس کے باعث ٹرافی کا مختلف ممالک کا ٹور ممکن نہیں تھا۔
دنیا بھر میں کرونا کی وبا کے باعث انٹرنیشنل کرکٹ کونسل (آئی سی سی) نے ٹی ٹوئنٹی ورلڈ کپ 2021 کی ٹرافی کا ٹور ورچوئل کردیا ہے۔ ویسٹ انڈیز کے اسٹار پلیئر کارلوس بریتھ ویٹ نے نظم پڑھ کر ٹرافی ٹور کا آغاز کیا۔
کرونا وائرس کے باعث دنیا بھر میں سماجی زندگی کے ساتھ ساتھ کھیلوں کے طور طریقے بھی تبدیل ہورہے ہیں۔ آئی سی سی کی جانب سے کرکٹ کے کسی بھی ورلڈکپ سے قبل اس کی ٹرافی نمائندہ ممالک میں بھیجی جاتی ہے لیکن اس مرتبہ ٹی ٹوئنٹی ورلڈ کی ٹرافی کا سفر ورچوئل کردیا گیا ہے۔
ٹی ٹوئنٹی ورلڈ کپ 2016 میں ویسٹ انڈیز کی کامیابی میں اہم کردار ادا کرنے والے کھلاڑی کارلوس بریتھ ویٹ نے نظم پڑھ کر ٹرافی کے ورچوئل ٹور کی شروعات کی۔ ٹی ٹوئنٹی ورلڈ کپ کے ٹوئٹر ہینڈل پر جاری کی گئی ویڈیو میں کرکٹ کے نامور کھلاڑیوں کو ایکشن میں دکھایا گیا ہے۔
Carlos Brathwaite flags off the @ICC Men’s #T20WorldCup 2021 Trophy Tour, driven by @nissan
We want you to take the trophy to places it’s never been before, making this a Trophy Tour for anyone, anytime, and at any place! pic.twitter.com/aGcydbHK23
— T20 World Cup (@T20WorldCup) August 19, 2021
اس حوالے سے آئی سی سی حکام کا کہنا ہے کہ مختلف ممالک میں کرونا وائرس کے کیسز کی تعداد میں اضافہ ہورہا ہے۔ اس صورتحال میں مختلف ممالک میں ٹی ٹوئنٹی ورلڈ کپ ٹرافی کا ٹور ناممکن تھا۔
"Imagine taking it to the Eiffel Tower? Or the Taj Mahal?”
The ICC Men’s @T20WorldCup Trophy Tour, driven by @nissan is officially underway at the hands of Carlos Brathwaite 💪
Read to know what’s in store for you 👇
— ICC (@ICC) August 19, 2021
یہ بھی پڑھیے
ٹی ٹوئنٹی کرکٹ ورلڈ کپ انڈیا سے عمان منتقل
آئی سی سی حکام کے مطابق دنیا بھر سے شائقین کرکٹ اب سوشل میڈیا پلیٹ فارم سے ٹرافی ٹور میں شامل ہوسکتے ہیں۔ صرف یہی نہیں بلکہ شائقین ٹرافی سے متعلق اپنی رائے کا اظہار بھی کر سکتے ہیں۔
آئی سی سی ٹی ٹوئنٹی ورلڈ کپ رواں برس 17 اکتوبر سے بھارت کی میزبانی میں متحدہ عرب امارات میں شروع ہوگا۔ آئی سی سی کی جانب سے ورلڈ کپ کا شیڈول بھی جاری کردیا گیا ہے۔