بابر اعظم کے بعد شاہین آفریدی کاؤنٹی کرکٹ کھیلیں گے
اس سے پہلے شاہین شاہ آفریدی ٹی ٹوئنٹی بلاسٹ میں کاؤنٹی ٹیم ہمپشائر کی جانب سے کھیل چکے ہیں
انگلش کاؤنٹی مڈل سکس نے 21 سالہ پاکستانی فاسٹ باؤلر شاہین شاہ آفریدی کے ساتھ سال 2022 کی کاؤنٹی کرکٹ کے لئے معاہدہ کرلیا ،شاہین شاہ آفریدی اب مڈل سیکس کے لیے ٹی ٹوئنٹی بلاسٹ اور کاؤنٹی چیمپئن شپ میچز کے لیے دستیاب ہوں گے۔
سماجی رابطوں کی ویب سائٹ ٹوئٹر پر فاسٹ باؤلر شاہین شاہ آفریدی نے انگلش کاؤنٹی مڈل سکس کے ساتھ معاہدے کی تصدیق کردی ، اس سے پہلے شاہین شاہ آفریدی ٹی ٹوئنٹی بلاسٹ میں کاؤنٹی ٹیم ہمپشائر کی جانب سے کھیل چکے ہیں۔
The historic @Middlesex_CCC and Lords the home of cricket – it is going to get excited. Absolutely delighted to join the #OneMiddlesex family. #Alhumdulillah #TheEagle #Hope pic.twitter.com/J3uAoCFjAo
— Shaheen Shah Afridi (@iShaheenAfridi) October 6, 2021
یہ بھی پڑھیے
شاہین شاہ آفریدی نے وسیم اکرم کا ریکارڈ برابر کر دیا
شاہین شاہ آفریدی نے اپنے ٹوئٹرپیغام میں کہا ہے کہ تاریخی ٹیم کے ساتھ معاہدے میں شامل ہونے پر بہت خوش ہوں۔انہوں نے کہا کہ لارڈز میں کاؤنٹی کھیلنا ہمیشہ خواب تھا۔ امید ہے اپنی کارکردگی سے ٹیم کے لیے اہم کردار ادا کروں گا۔
دوسری جانب ٹوئٹر پر لارڈز کرکٹ گراؤنڈ کی ہوم ٹیم مڈل سکس کے جاری کردہ اعلامیے کے مطابق 21سالہ شاہین شاہ آفریدی اگلے سال سیزن کے آغاز میں ہی ٹیم کو جوائن کرلیں گے اور جولائی کے وسط تک ٹیم کو دستیاب رہیں گے۔
🚨 | BREAKING NEWS
The Club are thrilled to announce the signing of Pakistan quick @iShaheenAfridi for the 2022 season!We look forward to having Shaheen on board at @HomeOfCricket 🙌
READ MORE ⬇️ | #OneMiddlesex
— Middlesex Cricket (@Middlesex_CCC) October 6, 2021
واضح رہے کہ شاہین شاہ آفریدی انگلش کاؤنٹی مڈل سکس کی جانب سے رواں سال معاہدے میں شامل ہونے والے تیسرے پاکستانی ہیں جو کاؤنٹی کرکٹ میں اپنی صلاحیتوں کا لوہا منوائیں گے۔
