یاسر عرفات کے بیٹے کی شاندار فاسٹ بولنگ کی وڈیو وائرل

پاکستان کے سابق فاسٹ بولر یاسر عرفات کا بیٹا اپنے والد کے نقش قدم پر چل پڑا۔

کم سن عمار  نے کلب کرکٹ کے دوران لگاتار دو گیندوں پر تباہ کن یارکرز مار کر مخالف ٹیم کے بلے بازوں کی  وکٹیں اڑادیں تاہم بدقسمتی سے وہ اپنی ہیٹ ٹرک مکمل نہ کرسکے۔

یہ بھی پڑھیے

پی سی بی کو رواں سال پی ایس ایل سے 2 ارب روپے کا منافع

پاکستانی کوہ پیما عبدالجوشی نے ماؤنٹ ایوریسٹ سر کرلیا

یاسر عرفات نے بیٹے کی شاندار گیندبازی کی وڈیو ٹوئٹر پر اپ لوڈ کردی جو دیکھتے ہی دیکھتے وائرل ہوگئی۔بھارتی میڈیا نے بھی کم عمر فاسٹ بولر کی وڈیو کو اپنی نشریات  کا حصہ بنایا ہے۔

Ammaar missed out on his hatrick 🫤 pic.twitter.com/8ZQrjPNr14

— Yasir Arafat (@YasArafat12) May 13, 2022

عمار یاسراپنے والدین کے ساتھ لندن میں مقیم ہیں جہاں وہ  بروملے کرکٹ کلب کی نمائندگی کرتے  ہیں۔یاسر عرفات نے اپنے بیٹے کی  گیند بازی کی وڈیو ٹوئٹر پر شیئر کی ہے جس میں اسے لگاتار دو گیندوں پر شاندار یارکرز کے ذریعے حریف بلے بازی کی وکٹیں اڑادیں ۔بدقسمتی سے عمار تیسری گیند پر اپنی ہیٹ ٹرک مکمل نہیں کرسکے۔

Eid Mubarak from us to all celebrating #EidMubarak pic.twitter.com/uLEXa1diHE

— Yasir Arafat (@YasArafat12) May 2, 2022

عمار یاسر اپنے والد کی طرح کرکٹ  کے شیدائی ہیں۔ رواں ماہ عید الفطر کے موقع پر یاسر عرفات نے اپنے اہلخانہ کی تصاویر شیئر کی تھیں۔ایک تصویر میں عمار نے عید الفطر کے موقع پر بھی ہاتھ میں کرکٹ بیٹ تھام رکھا تھا۔