جاوید آفریدی کی مالی بحران میں گھرے لنکن کرکٹ بورڈ کو بڑی پیشکش
اپنی بہترین صلاحیتوں کے ساتھ سری لنکن کرکٹ بورڈ کو عالمی کرکٹ کے میدان میں اپنی بین الاقوامی حیثیت کو برقرار رکھنے کے لیے مکمل تعاون کی پیشکش کرتا ہوں، جاوید آفریدی
پاکستان سپر لیگ (پی ایس ایل) کی فرنچائز پشاور زلمی کے مالک جاوید آفریدی نے جذبہ خیر سگالی کے طور پر ملک میں حالیہ بحران اور معاشی بحران کے درمیان سری لنکا کرکٹ (ایس ایل سی) کو سپانسر شپ کی پیشکش کردی۔
اپنے ٹویٹر ہینڈل پر جاوید آفریدی نے لکھا کہ سری لنکا کے لوگ بھی کرکٹ سے اتنی ہی محبت کرتے ہیں جتنا ہم پاکستانی کرتے ہیں لیکن موجودہ صورتحال اتنی اچھی نہیں ہے جس سے لنکن کرکٹ شائقین کو تکلیف ہوئی ہوگی۔
یہ بھی پڑھیے
کیوی کرکٹ بورڈ کی پاکستان کو سہ فریقی ٹی20 سیریز میں شرکت کی دعوت
یاسر عرفات کے بیٹے کی شاندار فاسٹ بولنگ کی وڈیو وائرل
اس لیے میں اپنی بہترین صلاحیتوں کے ساتھ سری لنکن کرکٹ بورڈ کو عالمی کرکٹ کے میدان میں اپنی بین الاقوامی حیثیت کو برقرار رکھنے کے لیے مکمل تعاون کی پیشکش کرتا ہوں۔
The people of Sri Lanka 🇱🇰love cricket as dearly as we Pakistanis do but the current not so good situation must’ve hurt Lankans cricket fans. So I extend my full support to sponsor @OfficialSLC in best of my capacities to maintain their international status in world cricket area.
— Javed Afridi (@JAfridi10) May 14, 2022
یاد رہے کہ بدترین مالی بحران کا شکار سری لنکا دیوالیہ ہوچکا ہے۔ مہنگائی اور اشیائے ضروریہ کے بحران کیخلاف عوام سڑکوں پر نکل آئے تھے اور وزیراعظم مہندر راجہ پاکسے سمیت حکمران جماعت کے رہنماؤں کے گھروں کو آگ لگادی تھی۔ جس کے بعد حکومت مستعفی ہوکر گھر چلی گئی تھی۔
