نوح دستگیر بٹ نے کامن ویلتھ گیمز میں پاکستان کو پہلا گولڈ میڈل جتوادیا
پاکستانی ویٹ لفٹر نے ویٹ لفٹنگ کی 109+ کلو گرام کیٹیگری میں مجموعی طور پر ریکارڈ 405 کلو وزن اٹھا کر گولڈ میڈل اپنے نام کیا،شاباش بٹ صاحب، وزیراعظم شہباز شریف کی مبارکباد
پاکستان نے کامن ویلتھ گیمز 2022 میں پاکستان پہلا گولڈ میڈل جیت لیا۔پاکستان کے نوح دستگیر بٹ نے ویٹ لفٹنگ کی 109+کیٹیگری میں مجموعی طور پر ریکارڈ 405 کلو وزن اٹھا کر گولڈ میڈل اپنے نام کیا۔
نوح دستگیر بٹ نے اسنیچ میں 173 جبکہ کلین اینڈ جرک میں 232 کلو وزن اٹھایا۔نوح دستگیر بٹ کی جانب سے دونوں کوششوں کے دوران اٹھایا جانے والا وزن کامن ویلتھ گیمز کا نیا ریکارڈ ہے۔
یہ بھی پڑھیے
کامن ویلتھ گیمز میں ملائیشین کوچ نے جذبہ ایثار کی مثال قائم کردی
کھیلو آزادی سے : کشمیر پریمیئر لیگ سیزن 2 کا آفیشل نغمہ جاری
یاد رہے کہ نوح دستگیر نے 2018 میں بھی پاکستان کیلئے برانز میڈل جیتا تھا جب کہ گزشتہ سال دسمبر میں ہونیوالی ورلڈ ویٹ لفٹنگ چیمپئن شپ میں انہوں نے سلور میڈل جیتا تھا۔
The WINNING moment – Nooh Dastagir Butt 🇵🇰🥇 pic.twitter.com/2Xd9zdOmPl
— Haroon Gill ®️ (@HaroonSmt) August 4, 2022
نوح دستگیر بٹ نے کامن ویلتھ گیمز میں شرکت کیلیے روانگی سے قبل نجی ٹی وی سے گفتگو میں کہا تھا کہ وہ اپنے والداور اپنے ملک کیلیے برانز میڈل کے علاوہ کوئی میڈل جیتنا چاہتے ہیں،کیونکہ برانز میڈل کا دفاع کرنا ان کے لیے کوئی معنی نہیں رکھتا۔
Thankyou brother Nooh Dastagir Butt.
Pakistan is so proud of you.
Long Live Pakistan ❤️🇵🇰✌️ pic.twitter.com/KByqJ5kXyE— Neelam Aslam (@NeelamAofficial) August 3, 2022
انہوں نے بتایا تھا کہ گزشتہ کامن ویلتھ گیمز میں ان کے برانز میڈل جیتنے پر ان کے والد بہت مایوس ہوئے تھے اور انہوں نے کچھ عرصہ ان سے بات نہیں کی تھی ۔
نوح کا گولڈ کامن ویلتھ گیمز کی تاریخ میں پاکستان کا صرف دوسرا گولڈ میڈل ہے، اس سے قبل 2006 میں شجاع الدین ملک نے پاکستان کیلئے ویٹ لفٹنگ میں طلائی تمغہ جیتا تھا۔
Well done, Butt saab. https://t.co/C87hZIO8q9
— Shehbaz Sharif (@CMShehbaz) August 3, 2022
وزیراعظم شہباز شریف نے کامن ویلتھ گیمز2022 میں پاکستان کیلیے پہلا گولڈ میڈل جیتنے پر نوح دستگیر بٹ کو مبارکباد پیش کی ہے۔وزیراعظم نے صحافی فیضان لاکھانی کی ٹوئٹ ری ٹوئٹ کرتے ہوئے لکھا”ویلڈن بٹ صاحب “۔
خیال رہے کہ پاکستان کے رواں کامن ویلتھ گیمز میں دو میڈلز ہوگئے ہیں۔ اس سے قبل شاہ حسین شاہ نے جوڈو میں برانز میڈل جیتا۔ شاہ حسین شاہ نے جنوبی افریقی جوڈوکا کو ہراکر برانز میڈل جیتا۔
