کشمیرپریمیئر لیگ: شعیب ملک نے انعامی رقم سیلاب متاثرین کیلئےعطیہ کردی

قومی کرکٹ ٹیم کے سابق کپتان شعیب ملک نے کشمیر پریمیئر لیگ  سے حاصل انعامی رقم سیلاب زدگان کو عطیہ کرنے کا اعلان کردیا ہے ۔

کشمیرپریمیئر لیگ کی ٹیم میرپور خاص رائلز کے کپتان شعیب ملک نے اپنی انعامی رقم سیلاب سے متاثرہ افراد کو عطیہ کرنے کا اعلان کیا ہے ۔

یہ بھی پڑھیے

کپتان بابر اعظم سمیت پاکستانی کرکٹرز کی سیلاب زدگان کی امداد کی اپیل

کشمیرپریمیئر لیگ میں مین آف دی ٹورنامنٹ رہنے والے شعیب ملک  مائیکرو بلاگنگ سائٹ پر اپنی انعامی رقم سیلاب متاثرین کو دینے کا اعلان کیا ۔

– Happy to win another man of the tournament & lift another 🏆, I want to dedicate this Win to the flood affectees of Pakistan. We all should rise above everything & come together as a nation. I will be donating my wining prize money to the flood affectees 🇵🇰 #KheloAazadiSe pic.twitter.com/CYSHNXtwbJ

— Shoaib Malik 🇵🇰 (@realshoaibmalik) August 26, 2022

شعیب ملک نے کہا کہ میں آف دی ٹورنامنٹ  کے اعزاز ملنے پر بہت خوش ہوں اور میں یہ ایوارڈ پاکستان کے سیلاب متاثرین کے نام کرنا چاہتا ہوں۔

ان کا کہنا تھا کہ  ہمیں ہر چیز سے بالا تر ہوکر بحیثیت قوم اکٹھے ہونا چاہیے۔ میں اپنی جیتی ہوئی انعامی رقم سیلاب متاثرین کو عطیہ کروں گا۔

جبکہ دوسری جانب دولت مشترکہ کھیلوں میں سلور میڈل جیتنے والے ریسلر انعام بٹ نے بھی سیلاب متاثرین کی مدد کے لیے آگے  آنے کی اپیل کی ۔

اس وقت پاکستان دو حصوں میں تقسیم ہے۔ سُرخ والے میں قیامت صغریٰ جاری ہے جبکہ باقی تاحال محفوظ ہے۔ اگر آپ محفوظ حصے میں ہیں تو سُرخ حصے میں پھنسے تین کروڑ افراد کی امداد کریں، انہیں اس قیامت سے نکلنے میں مدد فراہم کریں۔ اللہ پاک ہمارے حال پر رحم فرمائے آمین pic.twitter.com/q0JYDz2LaV

— Inam Butt (@InamTheWrestler) August 26, 2022

اپنے پیغام میں انعام بٹ نے کہا کہ پورا ملک سیلاب کی لپیٹ میں ہے، جانی اورمالی نقصان ہو رہا ہے۔ بےگھر ہونے والے افراد ہماری امداد کے منتظر ہیں۔

واضح رہے کہ ملک بھر میں اس سال سیلابی صورتِ حال سے اب تک 937 اموات ہو چکی ہیں اور 8 لاکھ کے قریب مویشی ہلاک ہوئے جبکہ 6 لاکھ 70 ہزار گھر متاثر ہوئے ہیں۔