بابر اعظم پشاور زلمی کا حصہ بن گئے، شعیب ملک کی کراچی کنگز میں واپسی
کراچی کنگز اور پشاور زلمی کے مالکان کا دونوں کھلاڑیوں کیلیے نیک تمناؤں کا اظہار، سلمان اقبال کی بابر اعظم سے کراچی کنگز کیخلاف کور ڈرائیو نہ مارنے کی درخواست
پاکستان سپر لیگ (پی ایس یل) سیزن 8 کیلیے کھلاڑیوں کی ٹریڈ اور ری ٹینشنز کا مرحلہ مکمل ہوگیا۔ پچھلے 6 سیزنز میں کراچی کنگز کی نمائندگی کرنے والے قومی ٹیم کے کپتان بابر اعظم پشاور زلمی کا حصہ بن گئے جبکہ آل راؤنڈر شعیب ملک پشاور زلمی سے واپس کراچی کنگز آگئے۔
کراچی کنگز کے مالک سلمان اقبال اور پشاور زلمی کے مالک جاوید آفریدی نے دونوں کھلاڑیوں کیلیے نیک تمناؤں کا اظہار کیا ہے۔
یہ بھی پڑھیے
آسٹریلوی میڈیا نے پی ایس ایل کو آئی پی ایل سے بڑی لیگ قرار دیدیا
ثانیہ مرزا اور شعیب ملک نے طلاق کی خبروں پر خاموشی سادھ لی
پشاور زلمی کے مالک جاوید آفریدی نے بابر اعظم کو اپنی ٹیم کا حصہ بننے پر روایتی انداز میں پشتو زبان میں خوش آمدید کہا ہے۔جاوید آفریدی نے بابر اعظم کی پشاور زلمی کی کٹ میں ملبوس ایک تصویر اپنے ٹوئٹر ہینڈل پر شیئر کی ہے۔تصویر میں بابر اعظم کو اپنے روایتی انداز میں وکٹ پر ڈھاڑتے ہوئے دکھایا گیا ہے۔
PAKHAIR RAGHLAY TO ZALMI FAMILY @babarazam258 ⚡@PeshawarZalmi#BabarYellowStorm #Zalmi pic.twitter.com/tfypNE6zwz
— Javed Afridi (@JAfridi10) November 11, 2022
جاوید آفریدی نے اپنی پوسٹ کے کیپشن میں لکھا” زلمی خاندان میں پخیرراغلے“۔اس سے قبل جاوید آفریدی نے بابراعظم کی ایک وڈیو شیئر کرتے ہوئے صارفین کو تجسس میں مبتلا کرنے کی کوشش کی تھی۔
GUESS ❓ pic.twitter.com/TR1JHvUY98
— Javed Afridi (@JAfridi10) November 11, 2022
بابراعظم نے جاوید آفریدی کے ٹوئٹ کو ری ٹوئٹ کرتے ہوئے پشتو میں ہی ان کا شکریہ ادا کیا۔ انشااللہ یہ سفر یہ یادگار ہوگا۔
Manana. Dera Manana @JAfridi10 and @PeshawarZalmi family.
In sha Allah, it will be an exciting journey. https://t.co/wdmllRg4Ct
— Babar Azam (@babarazam258) November 12, 2022
دریں اثنا کپتان بابر اعظم نے اپنی سابقہ ٹیم کراچی کنگز کی انتظامیہ کا شاندار الفاظ میں شکریہ اداکیا ہے۔بابر اعظم نے اپنے ٹوئٹ میں لکھاکہ کراچی کنگز کے ساتھ شاندار سفر رہا۔سلمان اقبال بھائی، کراچی کینگز کی انتظامیہ اور کھلاڑیوں کا محبت، تعاون اور سکھانے کیلیے شکرگزار ہوں اور آپ سب کیلیے نیک خواہشات کا اظہار کرتا ہوں۔
It’s been a wonderful journey with Karachi Kings. Thank you @Salman_ARY bhai, KK management, and players. I am grateful for all the love, support, and lessons and wish you the very best.
To all Karachi fans, aap hamare the or hamesha rahayn ge.
— Babar Azam (@babarazam258) November 12, 2022
بابر اعظم نے کراچی کنگز کے پرستاروں کو مخاطب کرتے ہوئے کہا کہ آپ ہمارے تھے اور ہمارے رہیں گے۔
I am so glad that you were part of the @KarachiKingsARY family for six seasons. Thank you and all the very best, @babarazam258 Bus ab Karachi ke against cover drives na maarna 😀
— Salman Iqbal ARY (@Salman_ARY) November 11, 2022
دوسری جانب کراچی کنگز کے مالک سلمان اقبال نے اپنے ٹوئٹ میں بابر اعظم کو شاندار الفاظ میں خراج تحسین پیش کیا ہے۔انہوں نے لکھاکہ” مجھے بہت خوشی ہے آپ 6 سیزن تک کراچی کنگز فیملی کا حصہ رہے، بہت شکریہ اور نیک تمنائیں“۔ سلمان اقبال نے ازرائے تفنن سے درخواست کی کہ ”بابر اب کراچی کیخلاف کور ڈرائیو مت مارنا“۔
A New day & a new challenge:
Happy to announce that I will be playing for #KarachiKings in HBLPSL 2023. I thoroughly enjoyed my time with Peshawar Zalmi, Thankyou @JAfridi10.
Now back to new beginnings with @KarachiKingsARY once again 🏏#YehHaiKarachi #HBLPSL2023 #Pakistan
— Shoaib Malik 🇵🇰 (@realshoaibmalik) November 11, 2022
علاوہ ازیں پی ایس ایل 7 میں پشاور زلمی کی نمائندگی کرنے والے قومی کرکٹ ٹیم کے سابق کپتان آل راؤنڈر شعیب ملک کراچی کنگز کا حصہ بن گئے۔شعیب ملک نے اپنے ٹوئٹ کے ذریعے کراچی کنگز میں واپسی کا اعلان کیا۔
شعیب ملک نے لکھاکہ”ایک نیادن اور ایک نیاچیلنج،اس بات کا اعلان کرتے ہوئے خوشی ہے کہ میں ایچ بی ایل پی ایس ایل 2023 میں کراچی کنگز سے کھیلوں گا۔میں نے پشاور زلمی کے ساتھ اپنے وقت کا بھرپور لطف اٹھایا“۔انہوں نے پشاور زلمی کے مالک جاوید آفریدی کا شکریہ اداکرتے ہوئے لکھاکہ” اب کراچی کنگز کے ساتھ ایک مرتبہ پھر نیاآغاز ہوگا“۔
We welcome master all-rounder @realshoaibmalik to the #KingSquad for the #HBLPSL8 #HBLPSLDraft #HBLPSL #YehHaiKarachi pic.twitter.com/PmThBrC7Pi
— Karachi Kings (@KarachiKingsARY) November 11, 2022
کراچی کے کنگز کے سلمان اقبال نے اپنے ٹوئٹ کے ذریعے کو خوش آمدید کہا۔ انہوں نے کہا کہ ہم پی اسی ایل 8 کیلیے ماسٹر آل راؤنڈر شعیب ملک کو کراچی کنگز اسکواڈ میں خوش آمدید کہتے ہیں۔
It was a great pleasure to have 3 phenomenal years of togetherness with you @realshoaibmalik in the Zalmi Family. You undoubtedly earned Zalmi great esteem with your exceptional cricketing abilities. I wish you all the best ahead for ur next assignments in PSL8. Go well brother!
— Javed Afridi (@JAfridi10) November 11, 2022
دوسری جانب پشاور زلمی کے مالک جاوید آفریدی نے شعیب ملک کے نام اپنے ٹوئٹ میں لکھاکہ ”شعیب ملک زلمی فیملی میں آپ کے ساتھ 3 غیر معمولی سال گزار کر بہت خوشی ہوئی، بلاشبہ آپ نے اپنی غیر معمولی صلاحیتوں سے زلمی کو بہت عزت دی ہے،میں پی ایس ایل 8 میں نئے ذمے داریوں پر آپ کے لیے نیک خواہشات کا اظہار کرتا ہوں“۔
