کرکٹرز کو اربوں روپے دینے والی حکومت کا قومی کھیل ہاکی سے سوتیلی ماں جیسا سلوک

ملک کے معروف اسپورٹس جرنلسٹ مرزا اقبال بیگ نے  انکشاف کیا کہ اذلان شاہ کپ میں کانسی کا تمغہ جیتنے والی پاکستانی ہاکی ٹیم جنوبی افریقہ میں 28 نومبر سے شروع ہونے والے 8 ملکی ٹورنامنٹ میں شرکت کیلئے حکومت کی جانب سے فنڈز کی منتظر ہے

ملک کے معروف اسپورٹس جرنلسٹ مرزا اقبال بیگ نے انکشاف کیا ہے کہ قومی کھیل ہاکی کی ٹیم کو 28 نومبر سے جنوبی افریقا میں شروع ہونے والے ٹورنامنٹ کیلئے فنڈز فراہم  نہیں کیے گئے ۔

مائیکرو بلاگنگ سائٹ ٹوئٹر پراپنے پیغام میں مرزا اقبال بیگ نے انکشاف کیا ہے کہ حکومت کی جانب سے قومی کھیل ہاکی کی ٹیم کے لیے  جنوبی افریقا  میں ہونے والے 8 ملکی ٹورنامنٹ  کے لیے فنڈز فراہم نہیں کیے گئے ۔

یہ بھی پڑھیے

وفاقی حکومت نے ہاکی ٹیم کو اذلان شاہ کپ میں شرکت سے روک دیا

اقبال بیگ نے کہا کہ اذلان شاہ کپ میں کانسی کا تمغہ جیتنے والی پاکستانی ہاکی ٹیم جنوبی افریقہ میں 28 نومبر سے شروع ہونے والے 8 ملکی ٹورنامنٹ میں شرکت کیلئے حکومت کی جانب سے فنڈز کی منتظر ہے۔

اسپورٹس جرنلسٹ نے بتایا کہ حکومت کی جانب سے فنڈز کی عدم فراہمی کے باعث ٹیم ٹورنامنٹ میں شریک نہ ہوئی تو ہاکی ٹیم پر پابندی کے ساتھ 15 ہزار یورو جرمانہ بھی عائد ہوگا۔

مرزا اقبال بیگ نے کہا کہ وزیراعظم خود نوٹس لیکر قومی کھیل  ہاکی کو مزید تنزلی سے بچائیں ۔  پیٹرن انچیف کو  نوٹس لیکر پاکستان ہاکی فیڈریشن   سے فنڈز ریلیز کرانے ہوں گے ۔

یہ بھی پڑھیے

مالی مشکلات کے شکار دو پلیئرز نے ہاکی ٹیم سے استعفے دے دیئے

اسپورٹس جرنلسٹ مرزا اقبال بیگ کا کہنا تھا کہ اس تورنامنٹ میں حصہ لیکر ٹیم اولمپکس کیلئے کوالیفائی کریں گی پاکستانی ٹیم نے آخری مرتبہ 2012 کے لندن اولمپکس میں حصہ لیا تھا

اقبال بیگ نے وزیراعظم شہبازشریف اورپاکستان ہاکی فیڈریشن سمیت دیگراعلیٰ عہدیداروں کو مخاطب کرتےہوئے کہاکہ فنڈز ریلیز نہ ہوئے تو پاکستان ہاکی گمنامی کے اندھیروں میں گم ہو  جائے گی ۔

متعلقہ تحاریر