سابق کپتان شاہد خان آفریدی پی سی بی کی عبوری سلیکشن کمیٹی کے سربرار مقرر

پاکستان کرکٹ بورڈ (پی سی بی) نے ہفتے کے روز قومی کرکٹ ٹیم کے سابق پاکستانی کپتان شاہد آفریدی کو نیوزی لینڈ کے خلاف ہوم سیریز کے لیے مینز نیشنل سلیکشن کمیٹی کا عبوری سربراہ مقرر کر دیا۔

پینل کے دیگر ارکان میں سابق آل راؤنڈر عبدالرزاق اور راؤ افتخار انجم شامل ہیں جبکہ ہارون رشید (ممبر مینجمنٹ کمیٹی) کنوینر ہوں گے۔

یہ بھی پڑھیے

میگا اسٹار لیگ میں نامور کرکٹر اپنے بیٹے کے ہاتھوں پہلی گیند پر آؤٹ ہوگئے

شاہین شاہ آفریدی نے کرکٹ بورڈ منیجمنٹ کی ہدایات کو  ہوا میں اڑا دیا

پی سی بی کے چیئرمین نجم سیٹھی نے فیصلے کا خیرمقدم کرتے ہوئے کہا ہے کہ "میں عبوری مینز نیشنل سلیکشن کمیٹی کا خیرمقدم کرتا ہوں ، اس میں کوئی شک نہیں کہ محدود وقت کے باوجود وہ عبوری سلیکشن کمیٹی بہادری اور جرات مندی سے فیصلے کریں گے ، جس سے ہمیں نیوزی لینڈ کے خلاف سیریز میں مضبوط اور مسابقتی ٹیم بنانے میں مدد ملے گی۔

چیئرمین پی سی بی کا کہنا تھا کہ سب جانتے ہیں کہ "قومی کرکٹ ٹیم کے سابق کپتان شاہدی خان آفریدی ایک نڈر کرکٹر کے طور پر جانے جاتے ہیں ، انہوں نے تمام کرکٹ بغیر کسی خوف کے کھیلی۔

ان کا کہنا تھا کہ "شاہد خان آفریدی کے پاس کرکٹ کا تقریباً 20 سال کا تجربہ ہے، تمام فارمیٹس میں انہوں نے نمایاں کارنامے کارہائے انجام دیئے ہیں ، اس سے بھی زیادہ اہم بات یہ ہے کہ انہوں نے ہمیشہ نوجوان ٹیلنٹ کی حمایت کی ہے۔ لہٰذا، ہماری اجتماعی رائے ہے کہ جدید دور کے کھیل کی تقاضوں اور چیلنجز کو سمجھنے کے لیے ان سے بہتر کوئی نہیں ہے۔”

نجم سیٹھی کا کہنا ہے کہ "مجھے یقین ہے کہ کھیل کے بارے میں اپنی بصیرت اور علم کے ذریعے، وہ پاکستان کو بہترین اور سب سے زیادہ مستحق کھلاڑیوں کو منتخب کرنے میں مدد کرے گا، اور آنے والی سیریز میں ٹیم کی کامیابی میں اپنا کردار ادا کریں گے۔”

دوسری جانب شاہد خان آفریدی نے کہا ہے کہ "میں پی سی بی مینجمنٹ کمیٹی کی جانب سے یہ ذمہ داری سونپی جانے پر فخر محسوس کررہا ہوں اور اس ذمہ داری کو اپنی بہترین صلاحیتوں کے ساتھ نبھانے میں کوئی کسر نہیں اٹھارکھوں گا۔

شاہد خان آفریدی کا کہنا ہے کہ "میں جلد ہی سلیکٹرز کی میٹنگ بلاؤں گا اور آنے والے میچوں کے حوالے سے اپنے بہترین پلان بتاؤں گا۔

سابق کپتان شاہد خان آفریدی نے 1996 سے 2018 تک پاکستان کی جانب سے 27 ٹیسٹ ، 398 ون ڈے اور 99 ٹی ٹوئنٹی میچز کھیلے ہیں۔ انہوں نے مجموعی طور پر 11,196 رنز بنائے اور 541 وکٹیں حاصل کیں۔ انہوں نے 83 بین الاقوامی میچوں میں قومی ٹیم کی کپتانی بھی کی۔ وہ لارڈز میں آئی سی سی مینز ٹی 20 ورلڈ کپ 2009 جیتنے والی پاکستانی ٹیم کے رکن تھے۔

عبدالرزاق نے 1996 سے 2013 تک کے 17 سالہ کیریئر میں 343 انٹرنیشنل میچ کھیلے اور 7419 رنز بنائے اور 389 وکٹیں حاصل کیں۔ وہ اس ٹیم کا بھی رکن تھا جس نے 2009 میں لارڈز میں T20 ورلڈ کپ جیتا تھا۔

راؤ افتخار نے 2004 سے 2010 تک قومی ٹیم کی جانب سے ایک ٹیسٹ، 62 ون ڈے اور دو ٹی ٹوئنٹی میچز کھیلے ہیں۔