بھارتی ایئر لائن انڈیگو نے ہوا بازی کی تاریخ کا سب سے بڑا معاہدہ کرلیا

بھارت کی سب سے بڑی نجی ایئرلائن انڈیگو نے ہوابازی کی تاریخ کا سب سے بڑا معاہدہ کرلیا۔

ایئرلائن  نے طیارہ ساز کمپنی ایئربس سے 500 طیاروں کی خریداری کا باضابطہ اعلان کردیا۔ اس تاریخی معاہدے کے بعد  انڈیگو نے بھارت کی قومی ایئرلائن ایئرانڈیا کو بھی پیچھے چھوڑدیا ہے۔

یہ بھی پڑھیے

انتہا پسند ہندو رہنما سادھوی پراچی کی مسلمانوں کے خلاف ہرزہ سراہی

بھارتی میڈیا کی رپورٹ کے مطابق ایئرلائن نے پیر کو یورپی طیارہ ساز کمپنی ایئربس کو 500 طیاروں کی فراہمی کے آرڈر کا باضابطہ اعلان کیا۔ ایئرلان کے ترجمان نے ایک بیان میں کہا ہے کہ سال 2030 سے 2035تک انڈیگو کے طیاروں کی مجموعی تعداد 1000 تک کی جائے گی۔

یہ ایئربس طیاروں کے حوالے سے کسی بھی ایئر لائن کی طرف سے دیا جانے والا سب سے بڑا آرڈر ہے تاہم اس معاہدے   کی مالیت سامنے آنا باقی ہے۔