بھارتی بزنس ٹائیکون میڈیا گروپ پر اپنی اجارہ داری قائم کرنے میں مصروف

دنیا کے تیسرے امیر ترین بھارتی بزنس ٹائیکون  گوتم اڈانی نے ملکر ہندوستانی میڈیا انڈسٹری پر اپنا اثر قائم کرنے کے لیے نئی دہلی ٹیلی وژن (این ڈی ٹی وی ) کے حصص خریدنے کیلئے بولی لگادی ہے  ۔

اڈانی گروپ کے مطابق جلد وہ نئی دہلی ٹیلی وژن (این ڈی ٹی وی ) کا اہم ترین پارٹنر بن جائے گا۔ گوتم اڈانی معتبر بھارتی نیوز چینل کے 29 فیصد  حصص خریدنے کیلئے اپنی بولی لگاچکے ہیں۔

یہ بھی پڑھیے

ریندر مودی کے ساتھی گوتم اڈانی کی این ڈی ٹی وی پر مکمل کنٹرول کی کوششیں

گوتم اڈانی کی جانب سے نیوز براڈکاسٹر نئی دہلی ٹیلی ویژن لمیٹڈ کی بولی کا اعلان کرنے کے فوراً بعد، انھیں مکیش امبانی کے گروپ کے ایک سینئر ایگزیکٹیو  نے ٹویٹ کے ذریعے مبارکباد دی گئی۔

این ڈی ٹی وی کا حصول کے لیے اڈانی گروپ کی بولی کامیاب ہوتی ہے تو گوتھم اڈانی اور مکیش امبانی دونوں  میڈیا سیکٹر کے حریف بن جائیں گے کیونکہ امبانی کا نیوز چینلز سمیت میڈیا کے بڑے اثاثوں پر کنٹرول ہے۔

Increased control of #India’s media sector by Adani and Ambani will have “significant consequences…it looks like the two corporate giants are hand in glove” | https://t.co/9FmXovSyTj w/@talktosanjai

— Chris Kay (@christopherkay) September 28, 2022

اڈانی کی بولی کے بعد این ڈی ٹی وی انتظامیہ نے  اپنے ایک بیان میں کہا کہ  یہ اقدام نیوز چینل کے بانیوں سے صلاح مشورے  اور بغیر رضامندی کے اٹھایا گیا ہے

بیان میں مزید کہا گیا کہ این ڈی ٹی وی کی مالک کمپنی آر آر پی آر ہولڈنگ پرائیویٹ لمیٹڈ کو اپنے تمام حصص اڈانی کی کمپنی ’وشوا پردھان کمرشل پرائیویٹ لمیٹڈ‘ (وی سی پی ایل)  کو منتقل کرنے کے لیے محض دو دن کا وقت دیا گیا ہے۔

این ڈی ٹی وی گروپ بھارت کے مقبول ترین خبر رساں اداروں میں سے ایک ہے جسے معروف صحافی پرنائے رائے اور ان کی اہلیہ رادھیکا رائے نے سن 1988 میں یہ ادارہ قائم کیا تھا۔